കളക്ടറുടെ കുഴിനഖ ചികിത്സ; ചീഫ് സെക്രട്ടറി റിപ്പോര്ട്ട് തേടി
![കളക്ടറുടെ കുഴിനഖ ചികിത്സ; ചീഫ് സെക്രട്ടറി റിപ്പോര്ട്ട് തേടി](https://timeskerala.com/static/c1e/client/91214/uploaded/9337f2acafc66ea7d8753016125e8608.webp)
തിരുവനന്തപുരം: കുഴിനഖ ചികിത്സയ്ക്കായി ഡോക്ടറെ തിരുവനന്തപുരം കളക്ടര് ഔദ്യോഗികവസതിയിലേക്ക് വിളിച്ചുവരുത്തിയ സംഭവത്തില് ചീഫ് സെക്രട്ടറി റിപ്പോര്ട്ട് തേടി. സര്ക്കാര് ഡോക്ടര്മാരുടെ സംഘടനയായ കെജിഎംഒഎയുടെ പരാതിയുടെയും മാധ്യമവാര്ത്തകളുടെയും അടിസ്ഥാനത്തിലാണ് നടപടി.ആരോഗ്യവകുപ്പ് സെക്രട്ടറിയോടാണ് റിപ്പോര്ട്ട് തേടിയത്. സംഭവത്തില് വ്യക്തതവേണമെന്നും ചീഫ്സെക്രട്ടറി നിര്ദേശിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)
കുഴിനഖത്തിന്റെ ചികിത്സയ്ക്കായി കളക്ടര് ജെറോമിക് ജോര്ജ് ഡോക്ടറെ വസതിയിലേക്ക് വിളിപ്പിച്ചതാണ് വിവാദമായത്.
കഴിഞ്ഞ ശനിയാഴ്ചയാണ് കളക്ടര് ചികിത്സയ്ക്കായി ഡോക്ടറെ വേണമെന്ന് ഡിഎംഒയോട് ആവശ്യപ്പെട്ടത്. ആദ്യം ആവശ്യം നിരസിച്ച ഡിഎംഒ പിന്നീട് കളക്ടറുടെ നിര്ബന്ധത്തിന് വഴങ്ങുകയായിരുന്നു.