വയനാട്: തദ്ദേശ സ്വയംഭരണ തെരഞ്ഞെടുപ്പിലെ വോട്ടെണ്ണലിൽ വയനാട്ടിലെ കൽപ്പറ്റ നഗരസഭയിൽ ബിജെപി അട്ടിമറി വിജയങ്ങൾ നേടുന്നു. എന്നാൽ, ബിജെപി ഏറെ പ്രതീക്ഷ വെച്ച തൃശൂർ കോർപ്പറേഷനിൽ തിരിച്ചടി നേരിട്ടു. എം.വി. ശ്രേയാംസ്കുമാറിന്റെ വാർഡായ പുളിയാർമലയിൽ ബിജെപി സ്ഥാനാർത്ഥി മുന്നേറ്റം നേടി.(BJP gains in Wayanad Local body elections)
പുളിയാർമല വാർഡിൽ വിജയിച്ചതോടെ ബിജെപി കൽപ്പറ്റ നഗരസഭയിൽ അക്കൗണ്ട് തുറന്നു. കഴിഞ്ഞ തെരഞ്ഞെടുപ്പിൽ എൽഡിഎഫിനൊപ്പം നിന്ന തിരുനെല്ലി പഞ്ചായത്തിലെ ഒന്നാം വാർഡിലും ബിജെപി അക്കൗണ്ട് തുറന്നു. ഈ നേട്ടം വയനാട്ടിലെ ബിജെപിയുടെ വളർച്ചയ്ക്ക് സൂചന നൽകുന്നു.
ബിജെപി ദേശീയ നേതൃത്വവും എം.പി. സുരേഷ് ഗോപിയും ഉൾപ്പെടെ നേരിട്ട് പ്രചാരണത്തിന് ഇറങ്ങിയ തൃശൂർ കോർപ്പറേഷനിൽ എൻഡിഎക്ക് പ്രതീക്ഷിച്ച മുന്നേറ്റം നേടാനായില്ല. തൃശൂരിൽ നിലവിൽ യുഡിഎഫ് വലിയ മുന്നേറ്റമാണ് കാഴ്ചവെക്കുന്നത്. എൽഡിഎഫിനേക്കാൾ ഇരട്ടിയോളം സീറ്റുകളിൽ യുഡിഎഫ് മുന്നിട്ട് നിൽക്കുന്നു.