ബെവ്കോ ഔട്ലെറ്റിന് മുന്നിൽ സംഘർഷം; യുവാവിന് ഗുരുതര പരിക്ക്
Jan 31, 2024, 21:02 IST
![police](https://timeskerala.com/static/c1e/client/91214/uploaded/360613a92c6f637eb86593b54a251057.jpg)
പത്തനംതിട്ട: ബെവ്കോ ഔട്ലെറ്റിന് മുന്നിൽ വരിനിന്ന ആളുകൾ തമ്മിൽ സംഘർഷം. പത്തനംതിട്ട ജില്ലയിലെ മല്ലപ്പള്ളിയിലാണ് സംഭവം നടന്നത്. സ്ഥലത്തെ ബെവ്കോ ഔട്ലെറ്റിന് മുന്നിൽ വരി നിന്ന ആളുകൾ തമ്മിൽ തർക്കം ഉണ്ടാവുകയും തുടർന്ന് ഇത് സംഘർഷമായി മാറുകയുമായിരുന്നു. സംഘർഷത്തിൽ ആളുകൾ പരസ്പരം കായികമായി ആക്രമിക്കുകയും ചെയ്തു. സംഘർഷത്തിൽ രണ്ട് പേർക്ക് പരിക്കേറ്റു. ഇവരേ താലൂക്ക് ആശുപത്രിയിൽ പ്രവേശിപ്പിച്ചു. ഇതിൽ ഒരാൾക്ക് കല്ല് കൊണ്ട് തലയ്ക്കാണ് പരിക്കേറ്റത്. ഇയാളുടെ നില ഗുരുതരമാണ്. അതേസമയം സംഘർഷത്തിന്റെ കാരണം വ്യക്തമല്ലെന്നും സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായും പോലീസ് അറിയിച്ചു.