ബ്ര​ഹ്മ​പു​രം തീ​പി​ടി​ത്തം; നി​ല​വി​ലെ സാ​ഹ​ച​ര്യ​ത്തി​ൽ 100 കോ​ടി പി​ഴ അ​ട​യ്ക്കാ​നാകി​ല്ലെ​ന്ന് മേ​യ​ർ

കൊ​ച്ചി: ബ്ര​ഹ്മ​പു​രം തീ​പി​ടി​ത്ത​ത്തി​ൽ കൊ​ച്ചി കോ​ർ​പ്പ​റേ​ഷ​ന് 100 കോ​ടി രൂപ പി​ഴ ചു​മ​ത്തി​യ ദേ​ശീ​യ ഹ​രി​ത ട്രൈ​ബ്യൂ​ണ​ലി​ന്‍റെ വി​ധി​ക്കെ​തി​രെ നി​യ​മന​ട​പ​ടി​യു​മാ​യി മു​ന്നോ​ട്ട് പോ​കു​മെ​ന്ന് കൊ​ച്ചി മേ​യ​ർ എം. ​അ​നി​ൽ കു​മാ​ർ.

നി​ല​വി​ലെ സാ​ഹ​ച​ര്യ​ത്തി​ൽ 100 കോ​ടി രൂ​പ പി​ഴ അ​ട​യ്ക്കാ​നാ​കി​ല്ല. വി​ശ​ദ​മാ​യ ഉ​ത്ത​ര​വാ​ണ് പു​റ​ത്തു​വ​ന്നി​രി​ക്കു​ന്ന​ത്. അ​തി​ൽ താ​ൻ പ​റ​ഞ്ഞ കാ​ര്യ​ങ്ങ​ളൊ​ന്നും തെ​റ്റ​ല്ല എ​ന്ന് വ്യ​ക്ത​മാ​ക്കു​ന്ന വി​ശ​ദീ​ക​ര​ണം ഉണ്ടെന്നും മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്‍റെ റി​പ്പോ​ർ​ട്ട് അ​ട​ക്കം ഉത്തരവിലുണ്ടെന്നും അ​നി​ൽ കു​മാ​ർ പറഞ്ഞു. പ​ക്ഷേ നി​ല​വി​ൽ പ​ര​സ്പ​രം പ​ഴി​ചാ​രു​ന്ന​തി​ൽ അ​ർ​ഥ​മി​ല്ല. പു​തി​യ ത​ല​ത്തി​ലേ​ക്ക് കാ​ര്യ​ങ്ങ​ൾ ചെ​യ്യു​ക​യാ​ണ് വേ​ണ്ട​തെ​ന്നും മേ​യ​ർ എം.​അ​നി​ൽ കു​മാ​ർ പ​റ​ഞ്ഞു. മു​ൻ മേ​യ​ർ​മാ​രെ​ല്ലാം അ​വ​രു​ടെ കാ​ല​ത്ത് എ​ല്ലാം കൃ​ത്യ​മാ​യി​രു​ന്നു എ​ന്ന് പ​റ​യു​ന്ന​ത് വെ​റു​തെ​യാ​ണെ​ന്ന് ഉ​ത്ത​ര​വ് വ്യ​ക്ത​മാ​ക്കു​ന്നു.

ദേ​ശീ​യ ഹ​രി​ത ട്രൈ​ബ്യൂ​ണ​ൽ ചു​മ​ത്തി​യ പി​ഴ​ത്തു​ക തു​ക ഒ​രു മാ​സ​ത്തി​നു​ള്ളി​ൽ ചീ​ഫ് സെ​ക്ര​ട്ട​റി​ക്ക് കൈ​മാ​റ​ണ​മെ​ന്നാ​ണ് നി​ർ​ദേ​ശം. ദു​ര​ന്ത​ത്തെ​തു​ട​ർ​ന്നു​ണ്ടാ​യ ആ​രോ​ഗ്യ​പ്ര​ശ്ന​ങ്ങ​ൾ പ​രി​ഹ​രി​ക്കാ​നാ​യി ഈ ​തു​ക ഉ​പ​യോ​ഗി​ക്ക​ണം. തീ​പി​ടി​ത്ത​ത്തി​ന് ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ​ക്കെ​തി​രെ ക്രി​മി​ന​ൽ ന​ട​പ​ടി സ്വീ​ക​രി​ക്ക​ണ​മെ​ന്നും ദേ​ശീ​യ ഹ​രി​ത ട്രൈ​ബ്യൂ​ണ​ൽ നി​ർ​ദേ​ശി​ച്ചി​ട്ടു​ണ്ട്.