തെരഞ്ഞെടുപ്പ് പ്രചാരണത്തിനായി കൊടികെട്ടുന്നതിനിടെ ബിജെപി പ്രവര്ത്തകന് വീണുമരിച്ചു
![തെരഞ്ഞെടുപ്പ് പ്രചാരണത്തിനായി കൊടികെട്ടുന്നതിനിടെ ബിജെപി പ്രവര്ത്തകന് വീണുമരിച്ചു](https://timeskerala.com/static/c1e/client/91214/uploaded/9aa4969505efe68f391b31451ac3e8bb.webp)
തൃശൂർ: തെരഞ്ഞെടുപ്പ് പ്രചാരണത്തിന്റെ ഭാഗമായി കൊടികള് കെട്ടുന്നതിനിടെ കോണിയില് നിന്ന് താഴെ വീണ ബിജെപി പ്രവര്ത്തകന് മരിച്ചു.
അഴിമാവ് ഒറ്റാലി ശേഖരന്റെ മകന് ശ്രീരംഗനാണ് (57) മരിച്ചത്. തൃശൂരിലെ എന്ഡിഎ സ്ഥാനാർഥി സുരേഷ് ഗോപിയുടെ പര്യടനത്തിന്റെ ഭാഗമായുള്ള ഒരുക്കങ്ങൾ നടക്കുന്നതിനിടെയാണ് അപകടം സംഭവിച്ചത്.
![](https://timeskerala.com/static/c1e/static/themes/16/91214/3752/images/New-Creative-.png)
അഴിമാവില് നിന്നായിരുന്നു പര്യടനം ആരംഭിക്കാന് തീരുമാനിച്ചിരുന്നത്. ഇതിനായി അലങ്കാരങ്ങള് ഒരുക്കുന്നതിനിടെയാണ് ശ്രീരംഗൻ അപകടത്തിൽപ്പെട്ടത്. കോണിയില് നിന്ന് താഴെ വീണ ശ്രീരംഗനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പോസ്റ്റുമോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.