കൊച്ചി: സംസ്ഥാനത്ത് ഇന്ന് സ്വർണവില കുറഞ്ഞു. ഒരു പവൻ സ്വർണത്തിന് 160 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ ഇന്നത്തെ വില 95,600 രൂപയായി. ഗ്രാമിന് ആനുപാതികമായി 20 രൂപ കുറഞ്ഞ് 11,950 രൂപയിലാണ് ഇന്ന് വ്യാപാരം നടക്കുന്നത്.(Kerala Gold price hiked, know about today's rate)
കഴിഞ്ഞ ദിവസം ഒറ്റയടിക്ക് 520 രൂപയാണ് സ്വർണവിലയിൽ വർദ്ധനവുണ്ടായിരുന്നത്. റെക്കോർഡ് വിലയിലേക്ക് അടുക്കുന്നതിനിടെയാണ് ഇന്ന് വില താഴ്ന്നത്. ഒക്ടോബർ 17-ന് രേഖപ്പെടുത്തിയ 97,360 രൂപയാണ് ഇതുവരെയുള്ള ഏറ്റവും ഉയർന്ന സ്വർണവില.
ആഗോള വിപണിയിലെ ചലനങ്ങളാണ് ഇന്ത്യൻ വിപണിയിൽ പ്രതിഫലിക്കുന്നത്. സുരക്ഷിത നിക്ഷേപം എന്ന നിലയിൽ കൂടുതൽ ആളുകൾ സ്വർണത്തിലേക്ക് വന്നതാണ് കഴിഞ്ഞ ദിവസങ്ങളിലെ വില വർധനയ്ക്ക് കാരണമായത്.
രാജ്യത്ത് സ്വർണവില നിശ്ചയിക്കപ്പെടുന്നത് പ്രധാനമായും രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ്. ആഗോള വിപണിയിൽ സംഭവിക്കുന്ന ചെറിയ മാറ്റങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കാറുണ്ട്.
ഡോളറിനെതിരെ രൂപയുടെ മൂല്യത്തിലുണ്ടാകുന്ന വ്യതിയാനങ്ങൾ സ്വർണത്തിന്റെ ഇറക്കുമതിച്ചെലവിനെ നേരിട്ട് ബാധിക്കുന്നു. സ്വർണത്തിന് സർക്കാർ ചുമത്തുന്ന ഇറക്കുമതി തീരുവയും ആഭ്യന്തര വിലയെ കാര്യമായി സ്വാധീനിക്കുന്ന ഘടകമാണ്.
ഇന്ത്യ നിലവിൽ ലോകത്തിലെ ഏറ്റവും വലിയ സ്വർണ ഉപഭോക്താക്കളാണ്. ഓരോ വർഷവും ടൺ കണക്കിന് സ്വർണമാണ് രാജ്യത്തേക്ക് ഇറക്കുമതി ചെയ്യുന്നത്. ഈ കാരണം കൊണ്ടുതന്നെ ആഗോള വിപണികളിലെ സ്ഥിതിഗതികൾക്ക് ഇന്ത്യൻ വിപണിയിൽ വലിയ സ്വാധീനമുണ്ട്.