വാഹനത്തിന് മുകളിലേക്ക് കല്ല് വീണു; മലയാളി സൈനികൻ മരിച്ചു
May 11, 2024, 09:38 IST
![വാഹനത്തിന് മുകളിലേക്ക് കല്ല് വീണു; മലയാളി സൈനികൻ മരിച്ചു](https://timeskerala.com/static/c1e/client/91214/uploaded/eede37cdcef85a209deed8411904c72b.webp)
കോഴിക്കോട്: ഹിമാചല്പ്രദേശില് സൈനിക വാഹനത്തിന് മുകളിലേക്ക് കല്ല് വീണുണ്ടായ അപകടത്തില് മലയാളി ജവാന് മരിച്ചു. കോഴിക്കോട് ഫറോക്ക് സ്വദേശിയായ പി .ആദര്ശ് (27) ആണ് മരിച്ചത്. വെള്ളിയാഴ്ച ഉച്ചയ്ക്കാണ് അപകടം സംഭവിച്ചത്. കരസേന 426 ഇന്ഡിപെന്ഡന്റ് എന്ജിനീയറിംഗ് കമ്പനിയില് സൈനികനായ ആദര്ശ് സഞ്ചരിച്ച വാഹനത്തിനു മുകളിലേക്ക് മലമുകളില് നിന്ന് കരിങ്കല്ല് വീഴുകയായിരുന്നു. ഷിംലയിലെ ആശുപത്രിയില് സൂക്ഷിച്ചിരിക്കുന്ന മൃതദേഹം പോസ്റ്റ്മോര്ട്ടം നടപടികള്ക്ക് ശേഷം ഇന്ന് വൈകിട്ടോടെ നാട്ടില് എത്തിക്കുമെന്ന് അധികൃതർ അറിയിച്ചു.