പ​ച്ച​ക്ക​റി​യു​മാ​യി പോ​കു​ക​യാ​യി​രു​ന്ന ലോ​റി ത​ട​ഞ്ഞു​നി​ർ​ത്തി 96 ല​ക്ഷം രൂ​പ തട്ടിയ കേസ്; മു​ഖ്യ​പ്ര​തി പിടിയിൽ

ഒ​ല്ലൂ​ർ: കോ​യ​മ്പ​ത്തൂ​രി​ൽ​ നിന്നും മൂ​വാ​റ്റു​പു​ഴ​യി​ലേ​ക്ക് പ​ച്ച​ക്ക​റി​യു​മാ​യി പോ​കു​ക​യാ​യി​രു​ന്ന ലോ​റി ത​ട​ഞ്ഞു​നി​ർ​ത്തി 96 ല​ക്ഷം രൂ​പ തട്ടിയ കേ​സി​ലെ മു​ഖ്യ​പ്ര​തി പി​ടി​യി​ൽ. തി​രു​വ​ന​ന്ത​പു​രം കി​ളി​മാ​നൂ​ർ സ്വ​ദേ​ശി ഷൂ​മാ​ക്ക​ർ എ​ന്ന് വി​ളി​ക്കു​ന്ന വി​ഷ്ണു​രാ​ജിനെയാണ് (36) അറസ്റ്റ് ചെയ്തത്.  ര​ണ്ടു​വ​ർ​ഷ​മാ​യി ഒ​ളി​വി​ൽ പോയിരുന്ന യു​വാ​വി​നെ തൃ​ശൂ​ർ സി​റ്റി ഷാ​ഡോ പോ​ലീ​സും ഒ​ല്ലൂ​ർ പോ​ലീ​സും ചേ​ർ​ന്നാ​ണ് അ​റ​സ്റ്റ് ചെ​യ്ത​ത്. 2021 മാ​ർ​ച്ച് 22നാ​ണ് കേസിനാസ്പദമായ സം​ഭ​വം നടന്നത് . മൂ​വാ​റ്റു​പു​ഴ​യി​ലെ പ​ച്ച​ക്ക​റി വ്യാ​പാ​ര​സ്ഥാ​പ​ന​ത്തി​ലേ​ക്ക് പ​ച്ച​ക്ക​റി​യു​മാ​യി വ​രി​ക​യാ​യി​രു​ന്ന ലോ​റി കു​ട്ട​നെ​ല്ലൂ​രി​ൽ ‘ഇ​ല​ക്ഷ​ൻ അ​ർ​ജ​ന്റ്’ എ​ന്ന ബോ​ർ​ഡ് വെ​ച്ച ഇ​ന്നോ​വ കാ​റി​ൽ എത്തിയ സം​ഘം ത​ട​ഞ്ഞു​നി​ർ​ത്തു​ക​യാ​യി​രു​ന്നു.

ലോ​റി ഡ്രൈ​വ​റേ​യും സ​ഹാ​യി​യേ​യും ലോ​റി​യി​ൽ ക​ഞ്ചാ​വ് ക​ട​ത്തു​ന്നു​ണ്ടെ​ന്ന വി​വ​രം കിട്ടിയെന്ന് പ​റ​ഞ്ഞ്, ചോ​ദ്യം ചെ​യ്യാ​നെ​ന്ന വ്യാ​ജേ​ന ബ​ലം പ്ര​യോ​ഗി​ച്ച് കാ​റി​ൽ ക​യ​റ്റി കൊ​ണ്ടു​പോ​യി. കു​റ​ച്ചു​ദൂ​രം പോ​യ ശേ​ഷം തി​രി​കെ ലോ​റി​യു​ടെ അ​ടു​ത്ത് ഇ​റ​ക്കി വിടുകയായിരുന്നു.  തു​ട​ർ​ന്ന് ഡ്രൈ​വ​റും സ​ഹാ​യി​യും ലോ​റി പ​രി​ശോ​ധി​ച്ച​പ്പോ​ഴാ​ണ് ചാ​ക്കി​ലാ​ക്കി സൂ​ക്ഷി​ച്ചി​രു​ന്ന 96 ല​ക്ഷം രൂ​പ നഷ്ടപ്പെട്ടതായി അ​റി​യാ​ൻ ക​ഴി​ഞ്ഞ​ത്. പോ​ലീ​സി​ൽ ന​ൽ​കി​യ പ​രാ​തി​യെ തു​ട​ർ​ന്ന് നേ​ര​ത്തെ ആ​റു​പേ​രെ അ​റ​സ്റ്റ് ചെ​യ്തി​രു​ന്നു. അ​റ​സ്റ്റി​ലാ​യ വി​ഷ്ണു​രാ​ജ് ക​വ​ർ​ച്ച സം​ഘ​ത്തി​ന്റെ ഡ്രൈ​വ​റാ​ണ്.