രേ​ഖ​ക​ളി​ല്ലാ​തെ കടത്തിക്കൊണ്ടുപോയ 310 ചാക്ക്​ റേഷനരി പിടികൂടി

പാ​റ​ശ്ശാ​ല: കാ​രോ​ട്-​ക​ഴ​ക്കൂ​ട്ടം ബൈ​പാ​സി​ലൂ​ടെ ക​ട​ത്തി​ക്കൊ​ണ്ടു​വ​ന്ന റേ​ഷ​ന​രി പി​ടി​കൂ​ടി. ഞാ​യ​റാ​ഴ്ച അ​യി​ര​യി​ല്‍ എ​ക്‌​സൈ​സ് മൊ​ബൈ​ല്‍ ഇ​ന്റ​ര്‍വെ​ന്‍ഷ​ന്‍ യൂ​നി​റ്റ് ന​ട​ത്തി​യ വാ​ഹ​ന​പ​രി​ശോ​ധ​ന​യി​ലാ​ണ്​ അ​രി പിടിച്ചെടുത്തത്. കെ.​എ​ല്‍ 57 എ​ന്‍ 0877 എ​ന്ന ര​ജി​സ്‌​ട്രേ​ഷ​ന്‍ ന​മ്പ​റി​ലു​ള്ള ലോ​റി​യി​ല്‍ പൊ​തു​വി​ത​ര​ണ കേ​ന്ദ്ര​ത്തി​ന് മാ​ത്രം അ​നു​വ​ദി​ച്ച 50 കി​ലോ വീ​ത​മു​ള്ള 310 ചാ​ക്കു​ക​ളി​ലാ​യി 15,500 കി​ലോ റേ​ഷ​ന്‍ അ​രി​യാ​ണ് മ​തി​യാ​യ രേ​ഖ​ക​ളി​ല്ലാ​തെ ക​ട​ത്തി​ക്കൊ​ണ്ടു വ​ന്ന​ത്.

സംഭവത്തെ തു​ട​ര്‍ന്ന് നെ​യ്യാ​റ്റി​ന്‍ക​ര താ​ലൂ​ക്ക് സ​പ്ലൈ ഓ​ഫി​സ​റെ വി​ളി​ച്ച​റി​യി​ച്ച​തി​ന്റെ അ​ടി​സ്ഥാ​ന​ത്തി​ല്‍ നെ​യ്യാ​റ്റി​ന്‍ക​ര താ​ലൂ​ക്ക് സ​പ്ലൈ ഓ​ഫി​സ​റും സം​ഘ​വും സ്ഥലത്തെത്തി റേ​ഷ​ന്‍ക​ട​ക​ളി​ല്‍ മാ​ത്രം വി​ല്‍പ​ന ന​ട​ത്തു​ന്ന അ​രി​യാ​ണെ​ന്ന് കണ്ടെത്തുകയും ചെയ്തു.  പ്രി​വ​ന്റി​വ് ഓ​ഫി​സ​ര്‍ അ​ബ്ദു​ല്‍ ഹാ​ഷിം, സി​വി​ല്‍ എ​ക്‌​സൈ​സ് ഓ​ഫി​സ​ര്‍മാ​രാ​യ സു​ഭാ​ഷ് കു​മാ​ര്‍, ര​തീ​ഷ് മോ​ഹ​ന്‍ എന്നിവരടങ്ങിയ സംഘമാണ് വാഹനപരിശോധനയിൽ പങ്കെടുത്തത്.