തിരുവനന്തപുരം: കേരളത്തിൽ യുഡിഎഫ് സർക്കാർ രൂപീകരണത്തിനുള്ള നടപടികൾ കോൺഗ്രസ് ഹൈക്കമാൻഡ് വേഗത്തിലാക്കി. മുതിർന്ന നേതാക്കൾ നിരീക്ഷകരായി കേരളത്തിലെത്തും. ഇവർ എംഎൽഎമാരിൽ നിന്ന് വ്യക്തിഗതമായി അഭിപ്രായം തേടും.(Kerala CM Selection Sunday Deadline High Command Observers)
വെള്ളിയാഴ്ചയ്ക്കകം എംഎൽഎമാരുടെ അഭിപ്രായം ക്രോഡീകരിച്ച് റിപ്പോർട്ട് സമർപ്പിക്കാനാണ് നിരീക്ഷകർക്ക് നൽകിയിരിക്കുന്ന നിർദ്ദേശം. ഇതിനായി ദീപാ ദാസ്മുൻഷിയോടും ഡൽഹിയിൽ എത്താൻ ആവശ്യപ്പെട്ടിട്ടുണ്ട്. ശനി, ഞായർ ദിവസങ്ങളിൽ മല്ലികാർജുൻ ഖർഗെയും രാഹുൽ ഗാന്ധിയും മുതിർന്ന നേതാക്കളുമായും എംപിമാരുമായും നേരിട്ട് സംസാരിക്കും. കെ.സി. വേണുഗോപാലിന്റെ പേര് ഹൈക്കമാൻഡ് ഗൗരവമായി പരിഗണിക്കുന്നുണ്ട്.
യുഡിഎഫിലെ കരുത്തരായ മുസ്ലിം ലീഗിന്റെ നിലപാട് നിർണ്ണായകമാകും. വി.ഡി. സതീശനെ പിന്തുണയ്ക്കുന്ന നിലപാടിലാണ് ലീഗ്. മഹാരാഷ്ട്രയിലെ സംഘടനാ കാര്യങ്ങൾക്കായി ഡൽഹിയിലെത്തിയ രമേശ് ചെന്നിത്തല സോണിയ ഗാന്ധിയുടെ വസതിയിൽ നടക്കുന്ന യോഗത്തിൽ പങ്കെടുക്കുന്നുണ്ട്. കെ.സി. വേണുഗോപാലിനെ ദേശീയ തലത്തിൽ പാർട്ടിക്കാവശ്യമുണ്ടെന്ന വാദവും, വി.ഡി. സതീശന്റെ ജനപ്രീതിയും, ചെന്നിത്തലയുടെ അനുഭവസമ്പത്തും തമ്മിലുള്ള തുലാസിലാണ് ഹൈക്കമാൻഡ് ഇപ്പോൾ.
Story Summary
The Congress High Command is expected to announce Kerala’s next Chief Minister by Sunday. Observers Mukul Wasnik and Ajay Maken will gather MLA opinions, focusing on names like KC Venugopal, while Ramesh Chennithala’s presence in Delhi for Maharashtra affairs has sparked rumors of him being a potential consensus candidate.
