ന്യൂഡൽഹി: സഞ്ജു സാംസൺ ക്രീസിലെത്തിയാൽ ഗാലറിയിൽ നിന്ന് ഇപ്പോൾ ഉയരുന്ന പ്രധാന വിളിയാണ് ‘ചേട്ടാ’. സഞ്ജുവിന്റെ ഉറ്റ സുഹൃത്തും സഹതാരവുമായ യുസ്വേന്ദ്ര ചഹൽ തമാശരൂപേണ തുടങ്ങിയ ഈ വിളി ഇപ്പോൾ ആരാധകർക്കിടയിൽ തരംഗമാണ്. എന്നാൽ തനിക്ക് ഏറ്റവും ഇഷ്ടപ്പെട്ട പേര് ഇതല്ലെന്ന് സഞ്ജു വ്യക്തമാക്കുന്നു.(Sanju Samson Response On Chetta Nickname Calm Batting Style Interview)
എല്ലാവരും എന്നെ ഇപ്പോൾ ചേട്ടാ എന്നാണ് വിളിക്കുന്നത്. പക്ഷേ എനിക്ക് ‘സഞ്ജു’ എന്ന് വിളിക്കപ്പെടാനാണ് കൂടുതൽ ഇഷ്ടം, താരം പറഞ്ഞു. ആരാധകർ സ്നേഹത്തോടെ നൽകുന്ന വിളിപ്പേരിനോട് ബഹുമാനമുണ്ടെന്നും അദ്ദേഹം വ്യക്തമാക്കി. സഞ്ജുവിന്റെ ബാറ്റിംഗിലെ ശാന്തതയെക്കുറിച്ച് കമന്റേറ്ററുടെ ചോദ്യത്തിന് അദ്ദേഹം നൽകിയ മറുപടി ഇങ്ങനെയായിരുന്നു: “സത്യത്തിൽ ഞാൻ എപ്പോഴും ഇങ്ങനെ തന്നെയാണ്. ഇപ്പോൾ എനിക്ക് ബാറ്റിംഗിൽ കൂടുതൽ സമയം ലഭിക്കുന്നുണ്ട്. അത് കൂടുതൽ പേർ കാണുന്നതുകൊണ്ടാണ് ഞാൻ വലിയ ശാന്തനാണെന്ന് എല്ലാവർക്കും തോന്നുന്നത്. ഞാൻ ടീമിന് പുറത്തിരിക്കുമ്പോഴും ഇതേപോലെ ശാന്തൻ തന്നെയാണ്.”
മുൻപത്തെക്കാൾ ഉത്തരവാദിത്തത്തോടെയും ക്രീസിൽ കൂടുതൽ സമയം ചിലവഴിച്ചും കളിക്കാൻ സഞ്ജുവിന് ഇപ്പോൾ സാധിക്കുന്നുണ്ട്. ഇത് അദ്ദേഹത്തിന്റെ കരിയറിലെ ഏറ്റവും മികച്ച സീസണുകളിൽ ഒന്നായി മാറിയിരിക്കുകയാണ്. കളത്തിനകത്തും പുറത്തും മലയാളി താരം കാത്തുസൂക്ഷിക്കുന്ന പക്വതയും എളിമയുമാണ് അദ്ദേഹത്തെ ആരാധകർക്ക് പ്രിയങ്കരനാക്കുന്നത്.
Story Summary
CSK star Sanju Samson shared his thoughts on the popular nickname ‘Chetta’ given by fans, stating he prefers being called ‘Sanju.’ After a match against Delhi, he also explained that his calm demeanor on the field isn’t new; it’s just getting more visibility now because he’s spending more time at the crease.
