നിയമസഭാ തിരഞ്ഞെടുപ്പ്: സ്ഥാനാർത്ഥികളെ തീരുമാനിച്ച് BJP, തിരഞ്ഞെടുപ്പ് പ്രഖ്യാപനത്തിന് പിന്നാലെ ആദ്യപട്ടിക പുറത്തുവിടും | Assembly elections

തിരുവനന്തപുരം: നിയമസഭാ തിരഞ്ഞെടുപ്പിൽ ബിജെപി മത്സരിക്കുന്ന ഭൂരിഭാഗം സീറ്റുകളിലും സ്ഥാനാർത്ഥികളെ നിശ്ചയിച്ചു. ഡൽഹിയിൽ പ്രധാനമന്ത്രിയുടെ വസതിയിൽ ചേർന്ന തിരഞ്ഞെടുപ്പ് സമിതി യോഗത്തിലാണ് പട്ടികയ്ക്ക് അന്തിമ അംഗീകാരം നൽകിയത്.(Assembly elections, BJP decides candidates to contest )

തിരഞ്ഞെടുപ്പ് കമ്മീഷൻ ഔദ്യോഗികമായി തിരഞ്ഞെടുപ്പ് പ്രഖ്യാപിച്ചാലുടൻ ആദ്യഘട്ട പട്ടിക പുറത്തിറക്കാനാണ് പാർട്ടിയുടെ തീരുമാനം. സംസ്ഥാന നേതൃത്വം സമർപ്പിച്ച സ്ഥാനാർത്ഥി പട്ടികയിൽ കേന്ദ്ര നേതൃത്വം വലിയ മാറ്റങ്ങളൊന്നും വരുത്തിയിട്ടില്ലെന്നാണ് വിവരം.

തിരഞ്ഞെടുപ്പ് തീയതികൾ പ്രഖ്യാപിക്കുന്നതോടെ കേരളത്തിലെ ബിജെപിയുടെ പോരാട്ടത്തിന് തുടക്കം കുറിച്ചുകൊണ്ട് പ്രമുഖ നേതാക്കളുടെ പേരുകൾ പുറത്തുവരും. കടുത്ത മത്സരം കാഴ്ചവെക്കുന്ന മണ്ഡലങ്ങളിൽ പ്രത്യേക ശ്രദ്ധ നൽകിയാകും പ്രഖ്യാപനം.