ലോകം ഏറെ ആകാംക്ഷയോടെ കാത്തിരിക്കുന്ന ടെയ്ലർ സ്വിഫ്റ്റിന്റെയും ട്രാവിസ് കെൽസെയുടെയും വിവാഹത്തിന് മുന്നോടിയായുള്ള ആഘോഷങ്ങൾ ആരംഭിച്ചതായി സൂചന (Taylor Swift Travis Kelce wedding). റോഡ് ഐലൻഡിലുള്ള ടെയ്ലർ സ്വിഫ്റ്റിന്റെ 17 മില്യൺ ഡോളർ വിലമതിക്കുന്ന ആഡംബര വസതിയിലേക്ക് അതിഥികൾ എത്തിത്തുടങ്ങിയതോടെയാണ് വിവാഹത്തിന് തൊട്ടുമുമ്പുള്ള ആഘോഷങ്ങൾ തുടങ്ങിയെന്ന അഭ്യൂഹം ശക്തമായത്. വെള്ള വസ്ത്രം ധരിച്ച സ്വിഫ്റ്റിനെപ്പോലെയുള്ള ഒരു യുവതി സുഹൃത്തുക്കൾക്കൊപ്പം ബാൽക്കണിയിൽ നിൽക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്. വസതിക്ക് ചുറ്റും കനത്ത സുരക്ഷാ സംവിധാനങ്ങളാണ് ഒരുക്കിയിരിക്കുന്നത്.
ജൂലൈ മൂന്നിന് ന്യൂയോർക്കിലെ മാഡിസൺ സ്ക്വയർ ഗാർഡനിൽ വെച്ചാണ് വിവാഹം നടക്കുകയെന്നാണ് റിപ്പോർട്ടുകൾ. ന്യൂയോർക്ക് സിറ്റി മേയർ സോറൻ മംദാനി അടുത്തിടെ നടത്തിയ പ്രസ്താവനയിൽ ടെയ്ലർ സ്വിഫ്റ്റിന്റെ വിവാഹത്തെക്കുറിച്ച് പരാമർശിച്ചത് ഈ വാർത്തകൾക്ക് കൂടുതൽ സ്ഥിരീകരണം നൽകി. പ്രശസ്ത സെലിബ്രിറ്റി വെഡ്ഡിംഗ് പ്ലാനർ മാർക്ക് സീഡാണ് വിവാഹചടങ്ങുകൾ ഒരുക്കുന്നത്. ഗിഗി ഹഡിഡ്, സെലീന ഗോമസ് തുടങ്ങിയ അടുത്ത സുഹൃത്തുക്കൾ വിവാഹ ആഘോഷങ്ങളിൽ പ്രധാന പങ്കുവഹിക്കുമെന്നും പറയപ്പെടുന്നു. രണ്ട് വർഷത്തെ പ്രണയത്തിന് ശേഷം കഴിഞ്ഞ ഓഗസ്റ്റിലാണ് ടെയ്ലർ സ്വിഫ്റ്റും ട്രാവിസ് കെൽസെയും തങ്ങളുടെ വിവാഹനിശ്ചയം പ്രഖ്യാപിച്ചത്.
Summary: Excitement surrounding the upcoming wedding of Taylor Swift and Travis Kelce has reached a fever pitch as guests began gathering at Swift’s $17 million Rhode Island mansion, fueling rumors of a pre-wedding celebration or bachelorette party. The couple is reportedly set to tie the knot on July 3 at Madison Square Garden, a date seemingly confirmed by New York City Mayor Zohran Mamdani.
