ലോസ് ആഞ്ചലസ്: 14 വയസ്സുകാരിയായ പെൺകുട്ടിയെ കൊലപ്പെടുത്തിയെന്ന സംശയത്തിൽ പ്രശസ്ത അമേരിക്കൻ റാപ്പർ d4vd (ഡേവിഡ് ആന്തണി ബർക്ക്) അറസ്റ്റിലായി (Rapper d4vd Arrested). സെലസ്റ്റ് റിവാസ് എന്ന പെൺകുട്ടിയുടെ മൃതദേഹം ബർക്കിന്റെ പേരിൽ രജിസ്റ്റർ ചെയ്ത കാറിൽ കണ്ടെത്തിയതിനെത്തുടർന്നാണ് നടപടി. വ്യാഴാഴ്ച ലോസ് ആഞ്ചലസ് പോലീസ് ഇദ്ദേഹത്തെ കസ്റ്റഡിയിലെടുത്തു.
കഴിഞ്ഞ വർഷം സെലസ്റ്റ് റിവാസിന്റെ മൃതദേഹം ഡേവിഡ് ബർക്കിന്റെ ഉടമസ്ഥതയിലുള്ള ടെസ്ല കാറിന്റെ ഡിക്കിയിൽ ഉപേക്ഷിക്കപ്പെട്ട നിലയിൽ കണ്ടെത്തുകയായിരുന്നു. പെൺകുട്ടിയുടെ പതിനഞ്ചാം ജന്മദിനത്തിന് തലേദിവസമാണ് ഈ ക്രൂരകൃത്യം പുറംലോകമറിഞ്ഞത്. കാറിൽ രണ്ട് കറുത്ത ബാഗുകളിലായാണ് മൃതദേഹ ഭാഗങ്ങൾ കണ്ടെത്തിയത്. പെൺകുട്ടി കൊല്ലപ്പെട്ടിട്ട് ഏറെ നാളുകൾ കഴിഞ്ഞിരുന്നുവെന്ന് പോസ്റ്റ്മോർട്ടം റിപ്പോർട്ട് സൂചിപ്പിക്കുന്നു. ‘റൊമാന്റിക് ഹോമിസൈഡ് എന്ന ഹിറ്റ് ഗാനത്തിലൂടെ 2022-ൽ ടിക്ടോക്കിൽ തരംഗമായ ഗായകനാണ് 21-കാരനായ ബർക്ക്. ഈ കേസിനെത്തുടർന്ന് കഴിഞ്ഞ വർഷം ഇദ്ദേഹം തന്റെ വിദേശ പര്യടനങ്ങൾ റദ്ദാക്കിയിരുന്നു.
ഡേവിഡ് ബർക്കിന് കോടതി ജാമ്യം അനുവദിച്ചിട്ടില്ല. തിങ്കളാഴ്ച ജില്ലാ അറ്റോർണി ഓഫീസ് കേസ് പുനഃപരിശോധിക്കുകയും ഔദ്യോഗികമായി കുറ്റപത്രം സമർപ്പിക്കുകയും ചെയ്യും. എന്നാൽ താൻ നിരപരാധിയാണെന്നും സെലസ്റ്റിന്റെ മരണത്തിൽ പങ്കില്ലെന്നും ബർക്കിന്റെ അഭിഭാഷകർ പ്രസ്താവനയിലൂടെ അറിയിച്ചു.
Summary: American rapper David Anthony Burke, popularly known as d4vd, has been arrested in Los Angeles on suspicion of murdering 14-year-old Celeste Rivas. The arrest follows the discovery of Rivas’s dismembered body in a Tesla registered to the singer seven months ago. The 21-year-old artist, famous for his viral hit “Romantic Homicide,” is currently held without bail. While the DA’s office prepares formal charges for Monday, Burke’s legal team maintains his innocence, claiming the evidence will prove he was not responsible for the teenager’s death.
