ന്യൂ ഡൽഹി: രാജ്യത്തെ പരമോന്നത സിവിലിയൻ ബഹുമതികളിലൊന്നായ പത്മഭൂഷൺ ഏറ്റുവാങ്ങാൻ എത്തിയ പ്രശസ്ത ഗായിക അൽക്ക യാഗ്നിക്കിന്റെ ദൃശ്യങ്ങൾ ആരാധകർക്കിടയിൽ വലിയ ആശങ്ക ഉയർത്തുന്നു (Alka Yagnik Health Condition). വീൽചെയറിലിരുന്ന് അവാർഡ് ദാന ചടങ്ങിൽ പങ്കെടുക്കുന്ന ഗായികയുടെ വീഡിയോ ദൃശ്യങ്ങൾ സമൂഹമാധ്യമങ്ങളിൽ വൈറലായതോടെയാണ് അവരുടെ ആരോഗ്യനിലയെക്കുറിച്ച് ആരാധകർ ആശങ്ക പ്രകടിപ്പിച്ചത്. കഴിഞ്ഞ രണ്ട് വർഷമായി പൊതുവേദികളിൽ നിന്ന് വിട്ടുനിന്ന താരം, താൻ നേരിടുന്ന ആരോഗ്യപ്രശ്നങ്ങളെക്കുറിച്ച് ഇൻസ്റ്റാഗ്രാം കുറിപ്പിലൂടെ തുറന്നു പറഞ്ഞിരുന്നു.
Wishing Alka Yagnik strength, comfort, and a smooth recovery. May she regain her health soon and return to full mobility and good health. pic.twitter.com/22jkpDZtOP
— Sapna Madan (@sapnamadan) June 24, 2026
കഴിഞ്ഞ കുറച്ചു കാലമായി താൻ കടുത്ത ആരോഗ്യപ്രശ്നങ്ങളിലൂടെയാണ് കടന്നുപോകുന്നതെന്ന് അൽക്ക യാഗ്നിക് വെളിപ്പെടുത്തി. ആരാധകരുടെ പ്രാർത്ഥനയും പിന്തുണയുമാണ് തനിക്ക് കരുത്തായതെന്നും, പത്മഭൂഷൺ ബഹുമതി ഏറ്റുവാങ്ങാൻ എത്തിയത് തന്റെ ആരാധകരോടുള്ള സ്നേഹം കൊണ്ടുകൂടിയാണെന്നും അവർ വ്യക്തമാക്കി. അപ്രതീക്ഷിതമായി സംഭവിച്ച ഒരു അപൂർവ്വ കേൾവി തകരാറാണ് ഗായികയെ സംഗീത ലോകത്ത് നിന്നും ദീർഘകാലം അകറ്റി നിർത്തിയത്. എങ്കിലും ആത്മവിശ്വാസത്തോടെയും ദൃഢനിശ്ചയത്തോടെയും തിരികെ വരാനുള്ള തയ്യാറെടുപ്പിലാണ് അൽക്ക യാഗ്നിക്.
Summary: Legendary playback singer Alka Yagnik has sparked concern among fans after being seen in a wheelchair while attending the Padma Bhushan award ceremony. Despite her ongoing health battle, which includes a rare hearing disorder diagnosed in 2024, she made a heartfelt appearance to receive the prestigious honor from President Droupadi Murmu. Taking to social media, the singer expressed deep gratitude to her supporters and emphasized that this milestone serves as a symbol of her resilience and slow journey back to health.
