ടിടിഇയുടെ മരണകാരണം തലയ്ക്കേറ്റ ക്ഷതം; രണ്ടുകാലുകളും അറ്റു
Apr 3, 2024, 17:57 IST
![ടിടിഇയുടെ മരണകാരണം തലയ്ക്കേറ്റ ക്ഷതം; രണ്ടുകാലുകളും അറ്റു](https://timeskerala.com/static/c1e/client/91214/uploaded/9e4026c8628c0a63f89c80df9b0a2143.webp)
തൃശൂര്: ട്രെയിനില് നിന്ന് ടിടിഇയെ തള്ളിയിട്ട് കൊലപ്പെടുത്തിയ സംഭവത്തില് പോസ്റ്റ്മോര്ട്ടത്തിലെ പ്രാഥമിക വിവരങ്ങള് പുറത്ത്. തലയ്ക്കേറ്റ ക്ഷതമാണ് ടിടിഇ വിനോദ് കണ്ണന്റെ(48) മരണകാരണമായതെന്ന് പ്രാഥമിക പോസ്റ്റ്മോര്ട്ടം റിപ്പോര്ട്ടില് സൂചിപ്പിക്കുന്നു. ട്രെയിനില്നിന്ന് തള്ളിയിട്ടപ്പോഴാകാം തലയ്ക്ക് ക്ഷതമേറ്റതെന്നാണ് പ്രാഥമിക നിഗമനം. ട്രെയിനില്നിന്ന് തൊട്ടടുത്ത ട്രാക്കിലേക്ക് വീണ വിനോദിന്റെ ശരീരത്തിലൂടെ ഇതേ ട്രാക്കില്വന്ന മറ്റൊരു ട്രെയിന് കയറിയിറങ്ങിയെന്നാണ് നിഗമനം. ശരീരത്തിൽ ആഴത്തിലുള്ള ഒന്പത് മുറിവുകളുണ്ടായിരുന്നതായും രണ്ടു കാലുകളും അറ്റുപോയിരുന്നതായും പ്രാഥമിക റിപ്പോര്ട്ടില് പറയുന്നു.
തൃശൂര് മെഡിക്കല് കോളജ് ആശുപത്രിയിലെ പോസ്റ്റ്മോര്ട്ടത്തിനു ശേഷം വിനോദിന്റെ മൃതദേഹം കൊച്ചി മഞ്ഞുമ്മലിലെ വീട്ടിലേക്ക് കൊണ്ടുപോയി.