തിരുവനന്തപുരം: ശബരിമല സ്വർണക്കൊള്ളക്കേസുമായി (Sabarimala Gold Theft) ബന്ധപ്പെട്ട് പ്രവാസി വ്യവസായി മൊഴി നൽകിയ 'ഡി മണി' എന്ന വ്യക്തി ഡിണ്ടിഗൽ സ്വദേശിയായ എംഎസ് മണി തന്നെയാണെന്ന് പ്രത്യേക അന്വേഷണ സംഘം വ്യക്തമാക്കി. ഡി മണി എന്നത് എംഎസ് മണിയുടെ വിളിപ്പേരാണെന്നും അന്വേഷണ സംഘം കണ്ടെത്തിയിട്ടുണ്ട്. തമിഴ്നാട്ടിലെ ഡിണ്ടിഗൽ കേന്ദ്രീകരിച്ച് മണിക്ക് വലിയ സ്വാധീനമുണ്ടെന്നും ഇയാൾ മറ്റ് വ്യക്തികളുടെ പേരിൽ മൂന്ന് ഫോൺ നമ്പറുകൾ ഉപയോഗിച്ചിരുന്നതായും എസ്ഐടി സ്ഥിരീകരിച്ചു.
താൻ നിരപരാധിയാണെന്നും ശബരിമല കൊള്ളയുമായി തനിക്ക് യാതൊരു ബന്ധവുമില്ലെന്നുമാണ് മണി ആവർത്തിക്കുന്നത്. കേരള പോലീസ് തന്നെ വേട്ടയാടുകയാണെന്നും താനൊരു സാധാരണ ഗ്രാമവാസി മാത്രമാണെന്നും ഇയാൾ മാധ്യമങ്ങളോട് പറഞ്ഞു. കേസിലെ മറ്റൊരു പ്രതിയായ ഉണ്ണികൃഷ്ണൻ പോറ്റിയെ തനിക്ക് അറിയില്ലെന്നും മണി അവകാശപ്പെട്ടു. മണി അന്വേഷണത്തോട് സഹകരിക്കുന്നില്ലെന്നും ഇയാൾ വൻ സ്വർണ്ണക്കടത്ത് ലോബിയുടെ ഭാഗമാണെന്നുമാണ് എസ്ഐടിയുടെ നിഗമനം. മണിയുടെ ബാങ്ക് ഇടപാടുകൾ വിശദമായി പരിശോധിക്കാനാണ് പോലീസിന്റെ തീരുമാനം.
ഇതിനിടെ, കേസിലെ പ്രതി ഉണ്ണികൃഷ്ണൻ പോറ്റിയും മുഖ്യമന്ത്രി പിണറായി വിജയനും ഒന്നിച്ചുനിൽക്കുന്ന ചിത്രം ഫേസ്ബുക്കിൽ പങ്കുവെച്ച കോൺഗ്രസ് നേതാവ് എൻ സുബ്രഹ്മണ്യനെ പോലീസ് കസ്റ്റഡിയിലെടുത്തത് വലിയ രാഷ്ട്രീയ വിവാദത്തിന് കാരണമായി. താനിട്ടത് യഥാർത്ഥ ചിത്രമാണെന്ന് സുബ്രഹ്മണ്യൻ അവകാശപ്പെട്ടു. സംഭവത്തിൽ കോൺഗ്രസ് പ്രവർത്തകർ സ്റ്റേഷൻ ഉപരോധിച്ചതിനെ തുടർന്ന് ഇയാളെ വിട്ടയച്ചു.
SIT has confirmed that 'D Mani' and 'MS Mani' are the same person in the ongoing Sabarimala gold robbery case. While MS Mani, a native of Dindigul, claims innocence and alleges harassment by the Kerala Police, the SIT asserts that he has high-level connections and was involved in the conspiracy based on statements from an expatriate businessman. Simultaneously, a political row has erupted over the detention of a Congress leader who shared a photo of an accused with the Chief Minister.