ബിബിസി ഡോക്യുമെന്ററി വിവാദം; അനില് ആന്റണി കോണ്ഗ്രസ് വിട്ടു
Jan 25, 2023, 10:21 IST
ന്യൂഡല്ഹി: മോദിക്കെതിരായ ബിബിസി ഡോക്യുമെന്ററിയെ പിന്തുണച്ചുവെന്നതിന്റെ പേരില് വിവാദത്തിലായ അനില് കെ.ആന്റണി കോണ്ഗ്രസിന്റെ എല്ലാ പദവികളില് നിന്നും രാജിവെച്ചു. മുതിര്ന്ന കോണ്ഗ്രസ് നേതാവും മുഖ്യമന്ത്രിയുമായിരുന്ന എ.കെ ആന്റണിയുടെ മകന് കൂടിയായ അനില് കെ.ആന്റണി എ.ഐ.സി.സി സോഷ്യല് മീഡിയ ആന്ഡ് ഡിജിറ്റല് കമ്യൂണിക്കേഷന് സെല് ദേശീയ കോര്ഡിനേറ്ററായിരുന്നു.പ്രധാന മന്ത്രി നരേന്ദ്ര മോദിക്കെതിരായ ബി ബി സി ഡോക്യുമെന്ററിയെ എതിര്ത്ത് ട്വിറ്ററില് രംഗത്തെത്തിയതിനു പിന്നാലെയാണ് രാജി.ഡോക്യുമെന്ററിയുമായി ബന്ധപ്പെട്ട അനിലിന്റെ പ്രതികരണങ്ങള് കോണ്ഗ്രസിനകത്തു തന്നെ കടുത്ത വിമര്ശനങ്ങള്ക്കിടയാക്കിയിരുന്നു. കെ പി സി സി അധ്യക്ഷന് കെ സുധാകരന് ഉള്പ്പെടെ പ്രമുഖ നേതാക്കളാണ് അനില് ആന്റണിയുടെ പരാമര്ശങ്ങള്ക്കെതിരെ രംഗത്തെത്തിയത്.