നാലാം ലോക കേരള സഭ തിരുവനന്തപുരത്ത്: ജൂൺ 13 മുതൽ 15 വരെ
Jun 8, 2024, 17:55 IST
![ലോക കേരള സഭ](https://timeskerala.com/static/c1e/client/91214/uploaded/943af0f8d93d0e393b1a2c09d86d9fa8.png)
തിരുവനന്തപുരം: 2024 ജൂൺ 13 മുതൽ 15 വരെ നാലാം ലോക കേരള സഭ തിരുവനന്തപുരത്ത് നടക്കും. സഭയിൽ പങ്കെടുക്കുക 103 രാജ്യങ്ങളില് നിന്നുളള പ്രവാസി പ്രതിനിധികളാണ്. കൂടാതെ, 200-ഓളം പ്രത്യേക ക്ഷണിതാക്കളും ഇത്തവണ സഭയില് പങ്കെടുക്കുന്നു. ജൂൺ 13നാണ് ലോക കേരളം പോര്ട്ടല് ലോഞ്ചും മൈഗ്രേഷൻ സർവ്വേ റിപ്പോര്ട്ടും. എട്ടു വിഷയങ്ങളിലെ അവതരണങ്ങളാണ് നടക്കുന്നത്. എമിഗ്രേഷന് കരട് ബില് 2021, വിദേശ റിക്രൂട്ട്മെന്റ് പ്രോഗ്രാമുകൾ, സുസ്ഥിര പുനരധിവാസം, നൂതന ആശയങ്ങള്, കുടിയേറ്റത്തിലെ ദുര്ബലകണ്ണികളും സുരക്ഷയും, നവ തൊഴില് അവസരങ്ങളും നൈപുണ്യ വികസനവും, കേരള വികസനം, നവ മാതൃകകള്, വിദേശ രാജ്യങ്ങളിലെ മാറുന്ന തൊഴില്-കുടിയേറ്റ നിയമങ്ങളും മലയാളി പ്രവാസവും, വിജ്ഞാന സമ്പദ്ഘടനയിലേക്കുള്ള പരിവര്ത്തനവും പ്രവാസികളും എന്നിങ്ങനെയാണ് അവ. കൂടാതെ, ഏഴു മേഖലാ അടിസ്ഥാനത്തിലുളള ചര്ച്ചകളും സംഘടിപ്പിക്കുന്നു. സ്പീക്കർ എ.എൻ. ഷംസീർ നേരത്തെ ലോക കേരള സഭ നടക്കുന്ന ദിവസങ്ങളിൽ നിയമസഭാ സഭ സമ്മേളനം നടക്കില്ലെന്ന് അറിയിക്കുകയുണ്ടായി.