ഒരു വയസുകാരനെ മർദിച്ച് പിതാവിന് ദൃശ്യങ്ങൾ അയച്ചുനൽകി: യുവതി അറസ്റ്റിൽ
Updated: Jun 8, 2024, 17:30 IST
ആലപ്പുഴ: പിഞ്ചു കുഞ്ഞിനെ ക്രൂരമായി മർദിച്ച് ദൃശ്യങ്ങൾ പകർത്തി പിതാവിന് അയച്ചുകൊടുത്ത അമ്മ അറസ്റ്റിൽ. സംഭവം ആലപ്പുഴ ജില്ലയിലെ മാന്നാറിലാണ്. കുഞ്ഞിനെ മർദിച്ച് ദൃശ്യങ്ങൾ പകർത്തി പിതാവിന് അയച്ചു നൽകിയത് മാന്നാർ സ്വദേശിനിയായ യുവതിയാണ്. യുവതിയെ കസ്റ്റഡിയിലെടുത്തത് മാന്നാർ പൊലീസാണ്. ബാലാവകാശ കമ്മീഷനും സംഭവത്തിൽ കേസെടുത്തു. യുവതി പോലീസിനോട് പറഞ്ഞത് തന്നെയും കുഞ്ഞിനേയും ഭർത്താവ് നോക്കുന്നില്ലെന്നും കുഞ്ഞിനെ ഉപദ്രവിച്ചത് ആ വൈരാഗ്യത്തിലാണെന്നും ആണ്.