സഹർസ: വിവാഹം കഴിഞ്ഞ് ആറുമാസം തികയുന്നതിനിടയിൽ ബിഹാറിലെ സഹർസ ജില്ലയിൽ 19-കാരിയായ നവവധുവിനെ തൂങ്ങിമരിച്ച നിലയിൽ കണ്ടെത്തി (Death). സോൻവർഷ കച്ചേരി പോലീസ് സ്റ്റേഷൻ പരിധിയിലാണ് സംഭവം. സിമ്രി ഭക്തിയാർപൂർ സ്വദേശി ശ്യാം സുന്ദർ മല്ലിക്കിന്റെ ഭാര്യ ശിവാനി കുമാരിയാണ് മരിച്ചത്. സംഭവത്തിന് പിന്നാലെ ഭർത്താവ് ഒളിവിൽ പോയതോടെ മരണം കൊലപാതകമാണെന്ന് ആരോപിച്ച് കുടുംബം രംഗത്തെത്തി.
ബുധനാഴ്ച രാത്രിയാണ് ശിവാനി ആത്മഹത്യ ചെയ്ത വിവരം ഭർത്താവ് ശ്യാം സുന്ദർ ഫോണിലൂടെ ബന്ധുക്കളെ അറിയിച്ചത്. എന്നാൽ വ്യാഴാഴ്ച രാവിലെ വീട്ടുകാർ എത്തിയപ്പോൾ ശിവാനിയെ മുറിക്കുള്ളിൽ തൂങ്ങിയ നിലയിൽ കണ്ടെത്തുകയായിരുന്നു. തുടർന്ന് ഭർത്താവ് ഫോൺ ഓഫാക്കി സ്ഥലം വിട്ടു. മകൾ ആത്മഹത്യ ചെയ്യില്ലെന്നും ഭർത്താവ് കൊലപ്പെടുത്തിയതാണെന്നും ശിവാനിയുടെ അമ്മ മഞ്ജു ദേവി ആരോപിച്ചു. മാനസികമായി മകളെ ഭർത്താവ് പീഡിപ്പിച്ചിരുന്നതായും അവർ പോലീസിനോട് പറഞ്ഞു.
പോലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായി സദർ ആശുപത്രിയിലേക്ക് മാറ്റി. സംഭവസ്ഥലത്ത് ഫോറൻസിക് സംഘം പരിശോധന നടത്തി. പോസ്റ്റ്മോർട്ടം റിപ്പോർട്ട് ലഭിച്ചാൽ മാത്രമേ മരണത്തിന്റെ യഥാർത്ഥ കാരണം വ്യക്തമാകൂ എന്ന് പോലീസ് അറിയിച്ചു. ഒളിവിൽ പോയ ഭർത്താവിനായി തിരച്ചിൽ തുടരുകയാണ്.
A 19-year-old newlywed woman was found hanging in her room in Bihar's Saharsa district just six months after her marriage. Her family has alleged murder, claiming her husband harassed her mentally before disappearing following her death. Police have registered a case and are currently searching for the absconding husband while awaiting the post-mortem results.