ആലപ്പുഴ: വാഹനാപകടത്തിൽ പരിക്കേറ്റ യുവതിക്ക് നേരെ ലൈംഗികാതിക്രമം ഉണ്ടായ സംഭവത്തിൽ പോലീസ് യുവതിയുടെ മൊഴി രേഖപ്പെടുത്തി. കായംകുളം ഡിവൈഎസ്പിയുടെ നേതൃത്വത്തിലുള്ള സംഘം ഇവരുടെ വീട്ടിലെത്തിയാണ് മൊഴി എടുത്തത്. (Sexual assault on accident victim, Statement of woman recorded)
യുവതി സഞ്ചരിച്ച വാഹനം കായംകുളത്ത് വെച്ച് അപകടത്തിൽപ്പെട്ടിരുന്നു. അപകടസ്ഥലത്ത് രക്ഷാപ്രവർത്തനത്തിനായി എത്തിയപ്രതി ലൈംഗികാതിക്രമം കാട്ടുകയായിരുന്നു. ഉടൻ തന്നെ പരാതി നൽകിയിരുന്നു.
സംഭവം വാർത്തയാവുകയും പോലീസിനെതിരെ പ്രതിഷേധം ശക്തമാവുകയും ചെയ്തതോടെയാണ് അന്വേഷണസംഘം നടപടികൾ വേഗത്തിലാക്കിയത്. കഴിഞ്ഞ ദിവസം ആലപ്പുഴ എസ്പി മാധ്യമങ്ങളെ കണ്ടപ്പോൾ പോലീസിന് വീഴ്ച പറ്റിയിട്ടില്ലെന്ന് അവകാശപ്പെട്ടെങ്കിലും, പരാതിക്കാരിയുടെ ആരോപണങ്ങൾ പോലീസിനെ പ്രതിരോധത്തിലാക്കിയിരിക്കുകയാണ്.
