വഴിയാത്രക്കാരനെ ബാറ്റുകൊണ്ട് അടിച്ചുകൊന്ന പോലീസുകാരന്റെ മകൻ അറസ്റ്റിൽ
Apr 4, 2024, 14:53 IST
![ക്രൈം](https://timeskerala.com/static/c1e/client/91214/uploaded/983b97efbbb8daa1477bba19d13adb44.jpg)
ജയ്പുർ: ക്രിക്കറ്റ് ബാറ്റ് ഉപയോഗിച്ച് രാജസ്ഥാനിൽ വഴിയാത്രക്കാരനെ മർദിച്ച് കൊലപ്പെടുത്തിയ പോലീസുകാരന്റെ മകൻ പിടിയിൽ. സംഭവം നടന്നത് ജയ്പുരിലെ രജനി ബിഹാർ കോളനിയിലാണ്. 23കാരനായ ക്ഷിതിജാണ് പോലീസ് പിടിയിലായത്. ക്ഷിതിജിന്റെ പിതാവും പോലീസ് ഇൻസ്പെക്ടറുമായ പ്രശാന്ത് ശർമ സംഭവം നടക്കുന്ന സമയത്ത് വീടിനുള്ളിൽ ഉണ്ടായിരുന്നു. ക്ഷിതിജ് ഇതുവഴി കടന്നുപോകുകയായിരുന്ന മോഹൻലാൽ സിന്ധി(35)യുമായി തർക്കത്തിലാവുകയും തുടർന്ന് ഇയാൾ വീട്ടിൽ പോയി ബാറ്റെടുത്തുകൊണ്ടു വന്ന് സിന്ധിയുടെ തലയിൽ അടിക്കുകയും ചെയ്തു. സിന്ധിക്ക് സാരമായി പരിക്കേൽക്കുകയും തൽക്ഷണം മരിക്കുകയും ചെയ്തു.