ന്യൂഡൽഹി: കിഴക്കൻ ഡൽഹിയിലെ ലക്ഷ്മി നഗറിൽ അമ്മയെയും സഹോദരിയെയും 12 വയസ്സുകാരനായ അനിയനെയും ക്രൂരമായി കൊലപ്പെടുത്തിയ ശേഷം യുവാവ് പോലീസിൽ കീഴടങ്ങി (Delhi Triple Murder). ലക്ഷ്മി നഗർ സ്വദേശിയായ യശ്വീർ സിംഗ് (25) ആണ് തന്റെ കുടുംബത്തെ ഒന്നടങ്കം ഇല്ലാതാക്കിയത്. കൊലപാതകത്തിന് ശേഷം യശ്വീർ തന്നെ നേരിട്ട് പോലീസ് സ്റ്റേഷനിലെത്തി കുറ്റം സമ്മതിക്കുകയായിരുന്നു.
അമ്മ കവിത (46), സഹോദരി മേഘ്ന (24), സഹോദരൻ മുകുൾ (14) എന്നിവരാണ് കൊല്ലപ്പെട്ടത്. കടുത്ത കടബാധ്യതയും സാമ്പത്തിക പ്രതിസന്ധിയുമാണ് ഇത്തരമൊരു ക്രൂരകൃത്യത്തിന് പ്രേരിപ്പിച്ചതെന്ന് പ്രതി പോലീസിനോട് പറഞ്ഞു. ഉച്ചയ്ക്ക് രണ്ട് മണിയോടെ വീട്ടുകാർക്ക് ഭക്ഷണത്തിൽ വിഷാംശം (ഉമ്മത്തിൻ്റെ വിത്ത് ചേർത്ത ലഡു) കലർത്തി നൽകി ബോധരഹിതരാക്കിയ ശേഷം മഫ്ലർ ഉപയോഗിച്ച് കഴുത്തുഞെരിച്ച് കൊല്ലുകയായിരുന്നുവെന്ന് റിപ്പോർട്ടുകൾ സൂചിപ്പിക്കുന്നു. ആറ് മാസം മുമ്പ് ജോലി നഷ്ടപ്പെട്ട യശ്വീർ വലിയ തുക കടം വാങ്ങിയിരുന്നു. മരിക്കാൻ ശ്രമിച്ച തന്നെ പിന്തിരിപ്പിച്ച അമ്മ, ഒന്നിച്ച് മരിക്കാമെന്ന് പറഞ്ഞതാണ് കൊലപാതകത്തിലേക്ക് നയിച്ചതെന്നും പ്രതി മൊഴി നൽകിയിട്ടുണ്ട്. മൃതദേഹങ്ങൾ പോസ്റ്റ്മോർട്ടത്തിനായി മാറ്റിയിരിക്കുകയാണ്.
A 25-year-old man named Yashveer Singh surrendered to the police after killing his mother, sister, and 12-year-old brother in East Delhi's Laxmi Nagar. Driven by severe financial stress and debt, he allegedly poisoned them with laced sweets before strangling them to death. Yashveer walked into the Laxmi Nagar police station to confess the crime, stating that he could no longer bear the pressure of his unpaid loans.