ഗോരഖ്പൂർ: ഉത്തർപ്രദേശിലെ ഗോരഖ്പൂരിൽ വിവാഹാഘോഷത്തിനിടെയുണ്ടായ നിസ്സാര തർക്കം ഒരാളുടെ ജീവനെടുത്തു. വിവാഹ വിരുന്നിനിടെ അതിഥികളിലൊരാളുടെ ദേഹത്ത് അബദ്ധത്തിൽ ചിക്കൻ കറി വീണതാണ് പ്രകോപനത്തിന് കാരണമായത്. തുടർന്നുണ്ടായ വാക്കുതർക്കം ഇരുവിഭാഗങ്ങൾ തമ്മിലുള്ള സംഘർഷത്തിലേക്ക് മാറുകയായിരുന്നു.(Man Murdered In Gorakhpur Wedding Over Chicken Curry Dispute)
വരന്റെ സംഘത്തിൽപ്പെട്ട സുമിത് കുമാറാണ് കൊല്ലപ്പെട്ടത്. സംഘർഷത്തിൽ പരിക്കേറ്റ ആറുപേരെ സമീപത്തെ ആശുപത്രിയിൽ പ്രവേശിപ്പിച്ചു. ഇവരുടെ നില ഗുരുതരമാണെന്നാണ് റിപ്പോർട്ടുകൾ. സംഭവസ്ഥലത്തെത്തിയ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ആഘോഷം നടക്കേണ്ട വിവാഹപ്പന്തൽ നിമിഷങ്ങൾക്കുള്ളിൽ ചോരക്കളമായി മാറിയതിന്റെ നടുക്കത്തിലാണ് പ്രദേശവാസികൾ.
Story Summary
A minor argument over spilled chicken curry during a wedding feast in Gorakhpur escalated into a violent clash, resulting in the murder of a young man named Sumit Kumar. Six others were seriously injured in the fight, leading to a police investigation into the tragic incident.
