കോഴിക്കോട്: അന്താരാഷ്ട്ര വിപണിയിൽ 35 ലക്ഷം രൂപയോളം വിലമതിക്കുന്ന 814 ഗ്രാം എം.ഡി.എം.എയുമായി സ്വകാര്യ എയർലൈൻസിലെ മുൻ പൈലറ്റായ മലയാളി യുവാവിനെ ഗുരുഗ്രാം പൊലീസ് അറസ്റ്റ് ചെയ്തു. കോഴിക്കോട് വെസ്റ്റ്ഹിൽ പോഷ് ഹിൽ റോഡ് സ്വദേശി അർഷാദ് അലി (33) ആണ് ഗുരുഗ്രാം സെക്ടർ 39 ക്രൈംബ്രാഞ്ച് സംഘത്തിന്റെ പിടിയിലായത്.(Former Pilot Arrested With MDMA Worth 35 Lakh In Gurugram)
ദൗലത്താബാദിലെ ലാൻഡ്മാർക്ക് സൊസൈറ്റി അപ്പാർട്ട്മെന്റിൽ താമസിച്ചുവരികയായിരുന്നു ഇയാൾ. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് എൻ.ഡി.പി.എസ് നിയമപ്രകാരം രാജേന്ദ്ര പാർക്ക് പൊലീസ് ഇയാളെ അറസ്റ്റ് ചെയ്തത്. നോയിഡയിലുള്ള സുഹൃത്തിൽ നിന്ന് അഞ്ച് ലക്ഷം രൂപ നൽകിയാണ് എം.ഡി.എം.എ വാങ്ങിയതെന്ന് അർഷാദ് അലി പൊലീസിന് മൊഴി നൽകി.
ആദ്യഘട്ടത്തിൽ സ്വന്തം ആവശ്യത്തിനായി ലഹരിമരുന്ന് ഉപയോഗിച്ചിരുന്ന ഇയാൾ, പണമുണ്ടാക്കാനുള്ള എളുപ്പവഴിയെന്ന നിലയിലാണ് വിൽപ്പനയിലേക്ക് തിരിഞ്ഞത്. ലഹരിമരുന്ന് വിറ്റഴിച്ച ശേഷം ബാക്കി തുക നൽകാനായിരുന്നു സുഹൃത്തുമായുള്ള ധാരണ. ഇയാളെ പൊലീസ് കസ്റ്റഡിയിൽ വാങ്ങി കൂടുതൽ ചോദ്യം ചെയ്യും.
Story Summary
A 33-year-old former private airline pilot from Kozhikode, Kerala, was arrested by the Gurugram Police Crime Branch with 814 grams of MDMA valued at Rs 35 lakh in the international market. The suspect, Arshad Ali, confessed to procuring the drugs from a friend in Noida for personal use before turning into a dealer for financial gain.
