കൊച്ചി: അങ്കണവാടിയിൽ വെച്ച് മൂന്നര വയസുകാരിക്ക് നേരെ ലൈംഗികാതിക്രമം നടന്നതായി പരാതി. സംഭവത്തിൽ ഇരുപതുകാരനെതിരെ എളമക്കര പോലീസ് കേസെടുത്തു. പ്രതിക്കെതിരെ പോക്സോ വകുപ്പുകൾ പ്രകാരം എഫ്ഐആർ രജിസ്റ്റർ ചെയ്തിട്ടുണ്ട്.(Assault On Toddler, Case Registered Against 20 Year Old Man For Alleged Assault On Toddler At Kochi Anganwadi)
എളമക്കര പോലീസ് സ്റ്റേഷൻ പരിധിയിലുള്ള അങ്കണവാടിയിലാണ് ഞെട്ടിക്കുന്ന സംഭവം നടന്നത്. അങ്കണവാടിയിൽ സ്ഥിരമായി സന്ദർശിക്കാറുള്ള യുവാവാണ് കുട്ടിയെ ഉപദ്രവിച്ചതെന്ന് കുടുംബം നൽകിയ പരാതിയിൽ പറയുന്നു. പതിവുപോലെ രക്ഷിതാക്കൾ കൊണ്ടുവിട്ട കുട്ടിയെ, അങ്കണവാടിയിൽ എത്തിയിരുന്ന പ്രതി ഉപദ്രവിക്കുകയായിരുന്നു എന്നാണ് റിപ്പോർട്ട്.
സംഭവം പുറത്തറിഞ്ഞതിന് പിന്നാലെ പ്രതി ഒളിവിൽ പോയതായി പോലീസ് സ്ഥിരീകരിച്ചു. ഇയാൾക്കായി പോലീസ് തിരച്ചിൽ ഊർജ്ജിതമാക്കിയിട്ടുണ്ട്. കുട്ടിയുടെ മൊഴിയും രക്ഷിതാക്കളുടെ പരാതിയും പരിഗണിച്ച് വിശദമായ അന്വേഷണം നടക്കുകയാണ്.
Story Summary
A 20-year-old man is on the run after being accused of sexually assaulting a three-and-a-half-year-old girl at an Anganwadi in Kochi. The Elamakkara police have registered a case under the POCSO Act and have launched a massive manhunt to nab the suspect.
