കൊച്ചി: 2026-ൽ നടക്കുന്ന നാല് പ്രധാന അന്താരാഷ്ട്ര കായികമേളകളിൽ അണിനിരക്കുന്ന ടീം ഇന്ത്യയുടെ ഔദ്യോഗിക ‘റീട്ടെയിൽ ബാങ്കിംഗ് പങ്കാളി’യായി പ്രമുഖ സ്വകാര്യ ബാങ്കായ യെസ് ബാങ്ക് (Yes bank ioa partner 2026) ഇന്ത്യൻ ഒളിമ്പിക് അസോസിയേഷനുമായി (IOA) സഹകരിക്കുന്നു. 2026 കോമൺവെൽത്ത് ഗെയിംസ് (ഗ്ലാസ്ഗോ), ഏഷ്യൻ ഗെയിംസ് (ഐച്ചി-നാഗോയ), യൂത്ത് ഒളിമ്പിക് ഗെയിംസ് (ഡാകർ), ഏഷ്യൻ ഇൻഡോർ ആൻഡ് മാർഷ്യൽ ആർട്സ് ഗെയിംസ് (റിയാദ്) എന്നീ മേളകളിൽ 100-ലധികം കായിക ഇനങ്ങളിൽ മത്സരിക്കുന്ന ഇന്ത്യൻ താരങ്ങൾക്ക് യെസ് ബാങ്ക് പിന്തുണ നൽകും.
2024 പാരിസ് ഒളിമ്പിക്സിൽ ടീം ഇന്ത്യയുടെ ബാങ്കിംഗ് പങ്കാളിയായിരുന്ന യെസ് ബാങ്ക്, ഈ പുതിയ കരാറിലൂടെ കായിക രംഗവുമായുള്ള തങ്ങളുടെ പങ്കാളിത്തം കൂടുതൽ ശക്തിപ്പെടുത്തുകയാണ്. ഏഷ്യൻ ഗെയിംസിന് മുന്നോടിയായി കായിക മികവ് പ്രോത്സാഹിപ്പിക്കുന്നതിനും ഇന്ത്യ-ജപ്പാൻ ബന്ധം കൂടുതൽ വടർത്തുന്നതിനും ഈ പങ്കാളിത്തം സഹായകമാകുമെന്ന് ബാങ്ക് അറിയിച്ചു.
കായികരംഗം രാജ്യത്തെ പ്രചോദിപ്പിക്കുന്ന വലിയൊരു ശക്തിയാണെന്നും, അന്താരാഷ്ട്ര തലത്തിൽ ഭാരതത്തിന്റെ അഭിമാനമുയർത്തുന്ന ടീം ഇന്ത്യയുടെ ഭാഗമാകാൻ കഴിഞ്ഞതിൽ വലിയ സന്തോഷമുണ്ടെന്നും യെസ് ബാങ്ക് എം.ഡി.യും സി.ഇ.ഒയുമായ വിനയ് എം. ടോൺസ് പറഞ്ഞു.
രാജ്യത്തെ കായിക മേഖലയുടെ വികസനത്തിനും അന്താരാഷ്ട്ര വേദികളിൽ മത്സരരംഗത്തുള്ള ഇന്ത്യൻ താരങ്ങൾക്ക് സമഗ്രമായ പിന്തുണ ഉറപ്പാക്കുന്നതിനും യെസ് ബാങ്കുമായുള്ള ഈ സഹകരണം ഏറെ പ്രയോജനപ്പെടുമെന്ന് ഐ.ഒ.എ പ്രസിഡന്റ് ഡോ. പി.ടി. ഉഷ പ്രതികരിച്ചു.
Story Summary:
YES Bank has partnered with the Indian Olympic Association (IOA) as Team India’s official retail banking partner for four major international sporting events in 2026, including the Commonwealth Games and Asian Games. Building on its Paris 2024 partnership, YES Bank will support Indian athletes across 100+ sporting disciplines.
