കൊച്ചി: ജർമൻ മിന്റ് ബ്രാൻഡായ ഇംപാക്ട് മിന്റ്സ് ഇന്ത്യയിലെ ആദ്യ ദേശീയ ബ്രാൻഡ് അംബാസഡറായി ബോളിവുഡ് താരം രൺവീർ സിംഗിനെ പ്രഖ്യാപിച്ചു (Impact Mints). ഇതിന്റെ ഭാഗമായി രൺവീർ സിംഗ് അഭിനയിച്ച പുതിയ പരസ്യ ചിത്രവും കമ്പനി പുറത്തിറക്കി.
ദൈനംദിന ജീവിതത്തിലെ ഓരോ നിമിഷത്തിലും പുതുമയും ആത്മവിശ്വാസവും പകരുന്ന ബ്രാൻഡായാണ് ഇംപാക്ട് മിന്റ്സിനെ പുതിയ പ്രചാരണ ക്യാമ്പയിനിലൂടെ അവതരിപ്പിക്കുന്നത്. ഇന്ത്യൻ ഉപഭോക്താക്കളുമായി കൂടുതൽ അടുപ്പം സ്ഥാപിക്കാനും ബ്രാൻഡിന്റെ സാന്നിധ്യം രാജ്യത്തുടനീളം വിപുലപ്പെടുത്താനുമാണ് ഈ നീക്കം.
രൺവീർ സിംഗുമായുള്ള സഹകരണം ഇന്ത്യയിലെ വിപണന പ്രവർത്തനങ്ങൾക്ക് കൂടുതൽ കരുത്ത് പകരുമെന്ന് കമ്പനി അറിയിച്ചു. വിതരണ ശൃംഖല വികസിപ്പിക്കുന്നതിനൊപ്പം രാജ്യത്തിന്റെ വിവിധ ഭാഗങ്ങളിലേക്കുള്ള വിപണി വ്യാപനത്തിനും ഈ പങ്കാളിത്തം സഹായകരമാകുമെന്നാണ് വിലയിരുത്തൽ.
ഉപഭോക്താക്കളുടെ മാറുന്ന അഭിരുചികൾ പരിഗണിച്ച് പുതിയ ഫ്ലേവറുകളും ലിമിറ്റഡ് എഡിഷൻ ഉൽപ്പന്നങ്ങളും അവതരിപ്പിക്കാനും കമ്പനി പദ്ധതിയിടുന്നുണ്ട്. ഇന്ത്യൻ വിപണിയിലെ സാന്നിധ്യം കൂടുതൽ ശക്തിപ്പെടുത്തുന്നതിനുള്ള ദീർഘകാല തന്ത്രത്തിന്റെ ഭാഗമായാണ് പുതിയ പ്രഖ്യാപനമെന്ന് കമ്പനി വ്യക്തമാക്കി.
Story Summary:
German mint brand Impact Mints has appointed Bollywood actor Ranveer Singh as its first national brand ambassador in India. The company also unveiled a new advertising campaign and announced plans to expand its presence with new flavors and limited-edition products.
