ന്യൂഡൽഹി: പാർലമെന്റിന്റെ അന്തസ്സും ചട്ടങ്ങളും പാലിക്കാതെ പ്രതിപക്ഷ നേതാവ് രാഹുൽ ഗാന്ധിയെ സംസാരിക്കാൻ അനുവദിക്കില്ലെന്ന് സ്പീക്കർ ഓം ബിർള സഭയിൽ വ്യക്തമാക്കി. രാഹുൽ ഗാന്ധിക്ക് സംസാരിക്കാൻ അനുമതി നൽകണമെന്ന് ആവശ്യപ്പെട്ട് പ്രതിപക്ഷം നടത്തിയ കടുത്ത പ്രതിഷേധത്തിനാണ് സ്പീക്കർ മറുപടി നൽകിയത്.(Lok Sabha Adjourned Till 230 PM Speaker Om Birla Statement On Rahul Gandhi Speech)
തുടർന്ന് പ്രതിപക്ഷ അംഗങ്ങളുടെ പ്രതിഷേധവും ബഹളവും ശമിക്കാത്തതിനെ തുടർന്ന് സഭാ നടപടികൾ ഉച്ചയ്ക്ക് 2:30 വരെ നിർത്തിവെച്ചു. പാർലമെന്റ് പ്രവർത്തിക്കുന്നതിന് നിശ്ചിത ചട്ടങ്ങളും നിയമാവലികളും ഉണ്ടെന്നും അത് പാലിക്കപ്പെടാതെ സഭ മുന്നോട്ട് കൊണ്ടുപോകാൻ കഴിയില്ലെന്നും സ്പീക്കർ ഓം ബിർള ചൂണ്ടിക്കാട്ടി. നമ്മൾ സഭയുടെ അന്തസ്സ് കളങ്കപ്പെടുത്തുകയാണെന്നും സ്പീക്കർ കൂട്ടിച്ചേർത്തു.
രാഹുൽ ഗാന്ധി സഭയിൽ അപാർലമെന്ററി വാക്കുകൾ ഉപയോഗിച്ചെന്നും ആരോപണങ്ങളിൽ മാപ്പ് പറയണമെന്നും ഭരണപക്ഷം ആവശ്യപ്പെട്ടതോടെയാണ് സഭയിൽ പ്രതിഷേധം കടുത്തത്.
Story Summary
Lok Sabha Speaker Om Birla adjourned the House proceedings till 2:30 p.m. following chaotic protests over Rahul Gandhi’s speech. Addressing the Opposition’s demand to let Gandhi speak, the Speaker asserted that he could not allow him to continue unless parliamentary rules and dignity were strictly maintained.
