ന്യൂഡൽഹി: നീറ്റ് പരീക്ഷാ ചോർച്ചയിൽ രാജ്യവ്യാപകമായി വിദ്യാർത്ഥി പ്രതിഷേധം കടുക്കുന്നതിനിടെ, ക്ഷമയും രാജ്യത്തെ ഭരണഘടനാ സ്ഥാപനങ്ങളിൽ വിശ്വാസവും അർപ്പിക്കാൻ ആഹ്വാനം ചെയ്ത് മുൻ ഇന്ത്യൻ ക്രിക്കറ്റ് താരം ശിഖർ ധവാൻ. യുവാക്കളുടെ സ്വപ്നങ്ങളെയും പ്രതീക്ഷകളെയും ഉൾക്കൊള്ളേണ്ടത് പ്രധാനമാണെന്നും എന്നാൽ പ്രതിസന്ധി ഘട്ടങ്ങളിൽ ക്ഷമയോടെയിരിക്കുകയാണ് വേണ്ടതെന്നും ധവാൻ ഇൻസ്റ്റാഗ്രാം കുറപ്പിലൂടെ വ്യക്തമാക്കി.(Shikhar Dhawan Message To Students Amid NEET Paper Leak Protests)
“നമ്മുടെ യുവാക്കളാണ് രാജ്യത്തിന്റെ ഭാവി. അവരുടെ സ്വപ്നങ്ങൾ മനസ്സിലാക്കേണ്ടത് അത്യാവശ്യമാണ്, എന്നാൽ അതോടൊപ്പം തന്നെ വിഷമഘട്ടങ്ങളിൽ ക്ഷമ പാലിക്കാനും സർക്കാരിലും രാജ്യത്തെ സ്ഥാപനങ്ങളിലും വിശ്വാസമർപ്പിക്കാനും നമ്മൾ തയ്യാറാകണം. ഏത് വെല്ലുവിളിക്കും പരിഹാരം കാണാൻ ക്ഷമയിലൂടെ സാധിക്കുമെന്നാണ് ഞാൻ വിശ്വസിക്കുന്നത്. ഇന്ത്യ എപ്പോഴും മുന്നോട്ട് കുതിച്ചിട്ടുണ്ട്, അത് തുടർന്നു കൊണ്ടുതന്നെയിരിക്കും,” ധവാൻ കുറിച്ചു.
അതേസമയം, പ്രക്ഷോഭത്തിൽ സമാധാനവും സംഭാഷണവും വേണമെന്ന് മുൻ ക്രിക്കറ്റ് താരം യുവരാജ് സിംഗും ആവശ്യപ്പെട്ടു. സുരക്ഷിതമായ അന്തരീക്ഷത്തിൽ പഠിക്കാനും സ്വപ്നങ്ങൾ നേടാനും ഓരോ വിദ്യാർത്ഥിക്കും അവകാശമുണ്ടെന്നും, തുറന്ന ചർച്ചകളിലൂടെ പ്രശ്നത്തിന് ശാശ്വത പരിഹാരം കാണാൻ എല്ലാവരും മുന്നോട്ടുവരണമെന്നും യുവരാജ് ഇൻസ്റ്റാഗ്രാം സ്റ്റോറിയിലൂടെ കുറിച്ചു.
Story Summary
Former Indian cricketer Shikhar Dhawan urged youth to remain patient and maintain faith in government institutions amidst ongoing NEET paper leak protests. Meanwhile, former cricketer Yuvraj Singh called for peace and an amicable solution through dialogue, even as student demonstrations continued in the national capital.
