തിരുവനന്തപുരം: യു.ഡി.എഫിൽ പ്രധാന ഘടകകക്ഷിയായ മുസ്ലിം ലീഗ് കഴിഞ്ഞ പ്രാവശ്യത്തെപ്പോലെ ഇത്തവണയും 27 സീറ്റുകളിൽ മത്സരിക്കാൻ ധാരണയായതായി സൂചന. ചില മണ്ഡലങ്ങൾ വെച്ചുമാറുന്നതിനെക്കുറിച്ച് ചർച്ചകൾ നടക്കുന്നുണ്ട്. ‘തിരുവമ്പാടി’ സീറ്റ് കൈമാറുമെന്നാണ് വിവരം. (Seat sharing in UDF, Muslim League contesting 27 seats?)
മുസ്ലിം ലീഗിന്റെ കൈവശമുള്ള തിരുവമ്പാടി സീറ്റ് കോൺഗ്രസ് ഏറ്റെടുത്തേക്കും. പകരം മറ്റൊരു സീറ്റ് ലീഗിന് നൽകും. തിരുവമ്പാടിയിൽ മലപ്പുറം ഡി.സി.സി അധ്യക്ഷൻ വി.എസ്. ജോയിയെ മത്സരിപ്പിച്ചേക്കും.
കഴിഞ്ഞ തവണ 10 സീറ്റുകളിൽ മത്സരിച്ച പി.ജെ. ജോസഫ് വിഭാഗത്തോട് 4 സീറ്റുകൾ വിട്ടുനൽകാൻ കോൺഗ്രസ് ആവശ്യപ്പെട്ടിട്ടുണ്ട്. എന്നാൽ ഇതിന് ഇവർ തയ്യാറായിട്ടില്ല. ഇടുക്കി, കുട്ടനാട്, ഏറ്റുമാനൂർ സീറ്റുകൾ തിരികെ ലഭിക്കുമെന്നാണ് കോൺഗ്രസ് പ്രതീക്ഷിക്കുന്നത്. ഇടുക്കിയിൽ റോഷി അഗസ്റ്റിനെതിരെ ശക്തനായ കോൺഗ്രസ് സ്ഥാനാർത്ഥിയെ നിർത്താൻ ഡി.സി.സിക്ക് നിർദ്ദേശം നൽകി കഴിഞ്ഞു.
