സംസ്ഥാനത്ത് തെക്കുപടിഞ്ഞാറൻ മൺസൂൺ എത്തി ഏതാനും ദിവസങ്ങൾക്കുള്ളിൽ തന്നെ കാലവർഷം ദുർബലമാകുന്നതായി കാലാവസ്ഥാ വകുപ്പിന്റെ റിപ്പോർട്ട്. എൽനിനോ പ്രതിഭാസമാണ് കാലവർഷം ദുർബലമാകാൻ കാരണമെന്നാണ് സൂചന. ജൂൺ 15-ന് ശേഷം സംസ്ഥാനത്ത് ഒരിടത്തും പ്രത്യേക മഴ മുന്നറിയിപ്പുകളില്ല. (Kerala Monsoon Weakening)
ഇന്നത്തെയും വരും ദിവസങ്ങളിലെയും മുന്നറിയിപ്പുകൾ:
ഇന്ന് (13/06/2026): കോഴിക്കോട്, കണ്ണൂർ, കാസർകോട് ജില്ലകളിൽ കേന്ദ്ര കാലാവസ്ഥാ വകുപ്പ് ‘യെല്ലോ അലർട്ട്’ പ്രഖ്യാപിച്ചിരിക്കുന്നു. ഒറ്റപ്പെട്ട ശക്തമായ മഴയ്ക്കാണ് സാധ്യത.
നാളെ (14/06/2026): പത്തനംതിട്ട, കോട്ടയം, എറണാകുളം, ഇടുക്കി ജില്ലകളിൽ യെല്ലോ അലർട്ട് ആയിരിക്കും.
മത്സ്യത്തൊഴിലാളികൾക്കും പൊതുജനങ്ങൾക്കും ജാഗ്രത നിർദ്ദേശം:
കേരളം, കർണാടകം, ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും, ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുള്ളതിനാൽ മത്സ്യബന്ധനത്തിന് വിലക്കുണ്ട്.
ഇടിമിന്നലോട് കൂടിയ മഴയ്ക്ക് സാധ്യതയുള്ളതിനാൽ ജാഗ്രത പാലിക്കുക. കാർമേഘം കണ്ടു തുടങ്ങുമ്പോൾ തന്നെ മുൻകരുതലുകൾ സ്വീകരിക്കണം.
ശക്തമായ കാറ്റിൽ മരങ്ങൾ കടപുഴകാനും ചില്ലകൾ ഒടിഞ്ഞു വീഴാനും സാധ്യതയുണ്ട്. മരച്ചുവട്ടിൽ നിൽക്കാനോ വാഹനങ്ങൾ പാർക്ക് ചെയ്യാനോ പാടില്ല. അപകടാവസ്ഥയിലുള്ള മരങ്ങൾ ശ്രദ്ധയിൽ പെട്ടാൽ തദ്ദേശ സ്ഥാപനങ്ങളെ അറിയിക്കുക.
Summary: The Southwest monsoon is weakening over Kerala shortly after its onset, with the India Meteorological Department (IMD) attributing the trend to El Niño conditions. Rainfall intensity is expected to decrease significantly by Monday, with no weather alerts issued for any district starting from next week. While localized heavy rainfall remains possible in select districts today and tomorrow, fishermen have been strictly advised against venturing into the sea due to strong winds along the Kerala-Karnataka-Lakshadweep coasts.
