കണ്ണൂർ: മാസപ്പടി കേസ് അന്വേഷണത്തിന്റെ ഭാഗമായി മുൻ മുഖ്യമന്ത്രി പിണറായി വിജയന്റെ മകൾ വീണയുടെ പിണറായിയിലെ ഭൂമിയിൽ എൻഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥർ നേരിട്ടെത്തി പരിശോധന നടത്തി. ചൊവ്വാഴ്ച രാവിലെയായിരുന്നു ഇഡി സംഘത്തിന്റെ അപ്രതീക്ഷിത നീക്കം.(ED Inspects Veena’s Land At Pinarayi In Kannur)
ഭൂമിയുടെ ആധാരവും മറ്റ് അനുബന്ധ രേഖകളുമായാണ് കേന്ദ്ര അന്വേഷണ സംഘം സ്ഥലത്തെത്തിയത്. വില്ലേജ് ഓഫീസറുടെ സഹായത്തോടെ വീണയുടെ ഉടമസ്ഥതയിലുള്ള 80 സെന്റ് ഭൂമിയും വീടിന് സമീപത്തുള്ള മറ്റ് സ്ഥലങ്ങളുമാണ് ഉദ്യോഗസ്ഥർ അളന്നു തിട്ടപ്പെടുത്തി പരിശോധിച്ചത്.
ഇതിന് പിന്നാലെ ഈ ഭൂമിയുടെ നികുതി രേഖകളും ഇഡി സംഘം കൊണ്ടുപോയി.മാസപ്പടി കേസുമായി ബന്ധപ്പെട്ട് കൊച്ചിയിലെ ഇഡി ഓഫീസിൽ വെച്ച് വീണയെ ഇതിനോടകം രണ്ട് തവണ ചോദ്യം ചെയ്തിരുന്നു. ഇതിന് പിന്നാലെ വീണയുടെ ബാങ്ക് ലോക്കറുകളും ഇഡി പരിശോധിച്ചിരുന്നു.
Story Summary
Enforcement Directorate officials conducted a direct inspection of 80 cents of land owned by T. Veena, daughter of Pinarayi Vijayan, at Pinarayi in Kannur. Assisted by the village officer, the team verified land deeds and seized tax records as part of the ongoing monthly payoff case investigation, following her recent rounds of questioning and bank locker searches.
