തിരുവനന്തപുരം: വിവിധ സർക്കാർ നിയമനങ്ങളുമായി ബന്ധപ്പെട്ട വിവാദങ്ങൾക്കിടെ പി.എസ്.സി ആസ്ഥാനത്തേക്ക് യൂത്ത് കോൺഗ്രസ് പ്രവർത്തകർ നടത്തിയ മാർച്ചിൽ വൻ സംഘർഷം. സുരക്ഷാ ക്രമീകരണങ്ങൾ ഭേദിച്ച് പി.എസ്.സി ആസ്ഥാന മന്ദിരത്തിനുള്ളിലേക്ക് തള്ളിക്കയറിയ പ്രവർത്തകർ ചെയർമാനെ തടയാൻ ശ്രമിച്ചു.(Youth Congress Activists Storm PSC Headquarters Over Answer Sheet Row)
ഇതിനിടയിലുണ്ടായ ഉന്തും തള്ളിലും രണ്ട് സെക്യൂരിറ്റി ജീവനക്കാർക്ക് പരിക്കേറ്റു. പി.എസ്.സിയിലെ സുരക്ഷാ ഉദ്യോഗസ്ഥരായ രാജേഷ്, അനിൽകുമാർ എന്നിവർക്കാണ് പരിക്കേറ്റത്.
പ്രതിഷേധം തടയുന്നതിൽ പൊലീസിന് ഗുരുതരമായ വീഴ്ച സംഭവിച്ചതായി ആക്ഷേപമുണ്ട്. പരീക്ഷാ പേപ്പറുകൾ കത്തിച്ചുകളയാൻ പി.എസ്.സി ചെയർമാൻ ഉത്തരവിട്ടെന്ന ഗുരുതരമായ ആരോപണം ഉന്നയിച്ചായിരുന്നു യൂത്ത് കോൺഗ്രസിന്റെ പ്രതിഷേധം.
Story Summary
Youth Congress workers forcefully entered the PSC headquarters and tried to block the Chairman over allegations of a directive to burn down exam papers. Two security guards were injured during the scuffle.
