ന്യൂഡൽഹി: നീറ്റ്-യു.ജി ഉൾപ്പെടെയുള്ള പരീക്ഷകളിലെ ക്രമക്കേടുകൾക്കെതിരെ ‘കോക്രോച്ച് ജനതാ പാർട്ടി’ (സി.ജെ.പി) ജന്തർ മന്തറിൽ നടത്തിവരുന്ന പ്രതിഷേധം കൂടുതൽ ശ്രദ്ധേയമാകുന്നു. വിദ്യാർത്ഥികളുടെ സമരത്തിന് ഐക്യദാർഢ്യം പ്രഖ്യാപിച്ച് പ്രമുഖ വ്യക്തിത്വങ്ങൾ ഇന്ന് പ്രതിഷേധ വേദിയിലെത്തും. അഭിഭാഷകൻ കോളിൻ ഗോൺസാൽവസ്, കർഷക നേതാവ് ഗുർനാം സിങ് ചരുണി, രഞ്ജീത് യാദവ്, അധ്യാപകൻ കാഷിഫ് തുടങ്ങിയവർ സമരത്തെ അഭിസംബോധന ചെയ്യുമെന്ന് സി.ജെ.പി സ്ഥാപകൻ അഭിജീത് ഡിപ്കെ അറിയിച്ചു.(Protests against NEET irregularities intensify as Sonam Wangchuk threatens hunger strike)
വൈകീട്ട് 3.30 മുതൽ വിവിധ കലാ-സാംസ്കാരിക പരിപാടികളും പ്രസംഗങ്ങളും നടക്കും. ഭരത് നാട്യ മഞ്ചിന്റെ കലാപരിപാടികളോടെയാണ് പരിപാടികൾ തുടങ്ങുന്നത്. വിദ്യാർത്ഥികളുടെ ഭാവിക്ക് വേണ്ടിയുള്ള ഈ സമരത്തിൽ പങ്കെടുക്കാൻ മക്കളെ അനുവദിക്കണമെന്ന് രക്ഷിതാക്കളോട് ഡിപ്കെ അഭ്യർത്ഥിച്ചു. തങ്ങളുടെ കുട്ടികൾ സമരത്തിൽ പങ്കെടുക്കുന്നത് തടയുന്ന രക്ഷിതാക്കൾക്ക് വേണ്ടി ഒരു വിദ്യാർത്ഥി അയച്ച കത്ത് അദ്ദേഹം ഉദ്ധരിച്ചു.
അതിനിടെ, വിദ്യാഭ്യാസ മേഖലയിലെ അഴിമതിക്കെതിരെ സാമൂഹിക പ്രവർത്തകൻ സോനം വാങ്ചുക്ക് ശക്തമായ നിലപാടുമായി രംഗത്തെത്തി. ജൂൺ 27-നകം കേന്ദ്ര സർക്കാർ വിദ്യാർത്ഥികളുടെ ആവശ്യങ്ങൾക്ക് മറുപടി നൽകിയില്ലെങ്കിൽ, ജൂൺ 28 മുതൽ അനിശ്ചിതകാല നിരാഹാര സമരം ആരംഭിക്കുമെന്ന് അദ്ദേഹം പ്രഖ്യാപിച്ചു.
Story Summary
The protest at Jantar Mantar against NEET-UG and other examination irregularities has intensified, with prominent figures in solidarity. As the protesters continue to demand Education Minister Dharmendra Pradhan’s resignation, activist Sonam Wangchuk has issued an ultimatum, threatening an indefinite hunger strike starting June 28 if the government fails to address students’ grievances by June 27.
