കണ്ണൂർ: വീര്യം കുറഞ്ഞ മദ്യത്തിന്റെ നികുതി കുറയ്ക്കുന്നതുമായി ബന്ധപ്പെട്ട വിവാദങ്ങളിൽ, ചർച്ചയാകാമെന്ന മുഖ്യമന്ത്രിയുടെ നിലപാടിനെ തലശ്ശേരി ആർച്ച് ബിഷപ്പ് മാർ ജോസഫ് പാംപ്ലാനി സ്വാഗതം ചെയ്തു. മദ്യനയത്തെക്കുറിച്ച് പുനരാലോചനയ്ക്കും ചർച്ചകൾക്കും തയ്യാറായ മുഖ്യമന്ത്രിയുടെ നടപടി അഭിനന്ദനാർഹമാണെന്ന് അദ്ദേഹം പറഞ്ഞു.(Liquor Policy, Archbishop Mar Joseph Pamplany Welcomes CM Discussion On Liquor Policy)
ലഹരിക്ക് അനുകൂലമെന്ന് തോന്നുന്ന യാതൊരുവിധ നിലപാടുകളും ആരും സ്വീകരിക്കാൻ പാടില്ലെന്നും അദ്ദേഹം ഓർമ്മിപ്പിച്ചു. വിദേശ സംഭാവന നിയന്ത്രണ നിയമത്തിൽ (FCRA) വന്നിരിക്കുന്ന പുതിയ ഭേദഗതികളെക്കുറിച്ചും ബിഷപ്പ് പ്രതികരിച്ചു.
സഭ ആശങ്ക രേഖപ്പെടുത്തിയ മേഖലകളിലല്ല നിലവിൽ മാറ്റങ്ങൾ വന്നിട്ടുള്ളതെന്നും, ഇപ്പോൾ വന്നിരിക്കുന്നത് ചില കൂട്ടിച്ചേർക്കലുകൾ മാത്രമാണെന്നും അദ്ദേഹം വ്യക്തമാക്കി. ഈ നിയമഭേദഗതിയെക്കുറിച്ച് പൂർണ്ണമായി പഠിച്ച ശേഷം മാത്രമേ തുടർ പ്രതികരണം നടത്തുകയുള്ളൂ എന്നും മാർ ജോസഫ് പാംപ്ലാനി കൂട്ടിച്ചേർത്തു.
Story Summary
Thalassery Archbishop Mar Joseph Pamplany has welcomed the Chief Minister’s willingness to discuss the controversial tax reduction for low-alcohol beverages. Regarding the recent FCRA amendments, the Archbishop clarified that they do not concern the areas previously flagged by the Church and stated that a detailed response would follow after a thorough study of the new provisions.
