തിരുവനന്തപുരം: ഏറെ വിവാദമായ തൊണ്ടിമുതൽ തിരിമറിക്കേസിൽ ആന്റണി രാജു സമർപ്പിച്ച അപ്പീൽ ഹർജി തിരുവനന്തപുരം ജില്ലാ സെഷൻസ് കോടതി ഇന്ന് പരിഗണിക്കും. തനിക്കെതിരെ നെടുമങ്ങാട് ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി പുറപ്പെടുവിച്ച ശിക്ഷാവിധി റദ്ദാക്കണമെന്ന് ആവശ്യപ്പെട്ടാണ് അദ്ദേഹം കോടതിയെ സമീപിച്ചിരിക്കുന്നത്.(Antony Raju Challenges Evidence Tampering Conviction In Sessions Court)
ലഹരിക്കടത്ത് കേസിലെ പ്രതിയായ വിദേശ പൗരനെ രക്ഷപ്പെടുത്തുന്നതിനായി, കേസിൽ നിർണ്ണായക തെളിവായിരുന്ന തൊണ്ടിമുതലിൽ കൃത്രിമം കാണിച്ചു എന്നതാണ് ആന്റണി രാജുവിനെതിരായ ആരോപണം.ഈ ശിക്ഷാവിധി നിലനിൽക്കുന്നതിനാൽ, ജനപ്രാതിനിധ്യ നിയമപ്രകാരമുള്ള അയോഗ്യത നേരിടുന്ന ആന്റണി രാജുവിന് കഴിഞ്ഞ നിയമസഭാ തിരഞ്ഞെടുപ്പിൽ മത്സരിക്കാൻ കഴിഞ്ഞിരുന്നില്ല.
ശിക്ഷാവിധി സ്റ്റേ ചെയ്യണമെന്ന ആവശ്യവുമായി നേരത്തെ സെഷൻസ് കോടതിയെയും ഹൈക്കോടതിയെയും സമീപിച്ചെങ്കിലും അദ്ദേഹത്തിന് അനുകൂലമായ ഉത്തരവുകൾ ലഭിച്ചിരുന്നില്ല. ഇന്നത്തെ വാദം ആന്റണി രാജുവിനെ സംബന്ധിച്ചിടത്തോളം ഏറെ നിർണ്ണായകമാണ്.
Story Summary
The Thiruvananthapuram District Sessions Court is set to hear the appeal filed by former minister Antony Raju, who challenges his conviction in a long-standing evidence-tampering case. Raju was sentenced to three years in prison for tampering with evidence while serving as a lawyer to assist a foreign national in a drug case, a conviction that has currently barred him from contesting elections.
