ചെന്നൈ: തമിഴ് സിനിമയിലെ മുൻനിര താരം അജിത് കുമാറിന്റെ അമ്മ മോഹിനി മണി (89) അന്തരിച്ചു. ശനിയാഴ്ച രാവിലെയായിരുന്നു അന്ത്യം. ദീർഘകാലമായി ചികിത്സയിലായിരുന്ന അവർ ആരോഗ്യപ്രശ്നങ്ങളെത്തുടർന്ന് വിശ്രമത്തിലായിരുന്നു. അജിത്തിന്റെ സഹോദരൻ എസ്. അനിൽ കുമാർ ആണ് മരണവിവരം ഔദ്യോഗികമായി അറിയിച്ചത്. (Tamil Actor Ajith Kumars Mother Mohini Mani Passes Away)
തമിഴ്നാട് മുഖ്യമന്ത്രി സി. ജോസഫ് വിജയ്, ഡിഎംകെ അധ്യക്ഷൻ എം.കെ. സ്റ്റാലിൻ, നടൻ കമൽഹാസൻ, എടപ്പാടി കെ. പളനിസ്വാമി തുടങ്ങി രാഷ്ട്രീയ-സിനിമ മേഖലകളിലെ നിരവധി പ്രമുഖർ അജിത്തിന്റെ അമ്മയുടെ വിയോഗത്തിൽ അനുശോചനം രേഖപ്പെടുത്തി. അജിത്തിന്റെ അമ്മയുടെ വിയോഗം തന്നെ വേദനിപ്പിച്ചുവെന്നും, ആ കുടുംബത്തിന് ഈ പ്രയാസകരമായ സമയത്ത് അതിജീവിക്കാനുള്ള കരുത്തുണ്ടാകട്ടെ എന്നും വിജയ് സമൂഹമാധ്യമങ്ങളിൽ കുറിച്ചു.
അജിത്തിനും കുടുംബത്തിനും തന്റെ ഹൃദയംഗമമായ അനുശോചനം അറിയിക്കുന്നതായി കമൽഹാസൻ കുറിച്ചു. അജിത്തിന് വലിയ പിന്തുണ നൽകിയ അമ്മയുടെ വിയോഗത്തിൽ ദുഃഖം രേഖപ്പെടുത്തുന്നുവെന്നും അദ്ദേഹത്തെ ആശ്വസിപ്പിക്കാൻ തനിക്ക് വാക്കുകളില്ലെന്നും സ്റ്റാലിൻ പറഞ്ഞു.
Story Summary
Tamil actor Ajith Kumar’s mother, Mohini Mani, passed away at the age of 89 on Saturday morning after a period of declining health. Her demise has drawn heartfelt tributes from political leaders and cinema personalities, including Tamil Nadu Chief Minister C. Joseph Vijay, Kamal Haasan, and M.K. Stalin, who offered their condolences to the grieving actor and his family.
