ബെംഗളൂരു: കർണാടകയുടെ അടുത്ത മുഖ്യമന്ത്രിയായി ഡി.കെ. ശിവകുമാർ ജൂൺ മൂന്നാം തീയതി വൈകിട്ട് 5.15-ന് സത്യപ്രതിജ്ഞ ചെയ്ത് അധികാരമേൽക്കും. ബെംഗളൂരുവിലെ ലോക് ഭവനിലാണ് സത്യപ്രതിജ്ഞാ ചടങ്ങ് സംഘടിപ്പിക്കുന്നത്. ഡി.കെ. ശിവകുമാറിനൊപ്പം ഒൻപത് എം.എൽ.എമാർ കൂടി അന്ന് മന്ത്രിസഭയിലേക്ക് സത്യപ്രതിജ്ഞ ചെയ്യും.(DK Shivakumar To Take Oath As Karnataka Chief Minister On June 3)
മുതിർന്ന നേതാക്കളായ ജി. പരമേശ്വര, കെ.ജെ. ജോർജ് എന്നിവരും സത്യപ്രതിജ്ഞ ചെയ്യുന്നവരിൽ ഉൾപ്പെടുന്നു. സത്യപ്രതിജ്ഞാ ചടങ്ങുമായി ബന്ധപ്പെട്ട് ജ്യോതിഷ നിർദ്ദേശങ്ങൾക്ക് വലിയ പ്രാധാന്യമാണ് നൽകിയിരിക്കുന്നത്. കർണാടക നിയമസഭ മന്ദിരമായ വിധാൻ സൗധയിൽ ചടങ്ങ് നടത്തുന്നത് ഗുണകരമാകില്ലെന്ന ജ്യോതിഷിയുടെ ഉപദേശത്തെത്തുടർന്നാണ് വേദി ലോക് ഭവനിലേക്ക് മാറ്റിയത്. കൃത്യമായ ശുഭമുഹൂർത്തത്തിലാണ് സത്യപ്രതിജ്ഞ നടക്കുക.
അതേസമയം, ഭരണപരമായ കാര്യങ്ങളിൽ സമവായം ഉറപ്പാക്കാൻ ഒരു കോർ കമ്മിറ്റിക്കും രൂപം നൽകി. സിദ്ധരാമയ്യയെ കോർ കമ്മിറ്റിയുടെ അധ്യക്ഷനായി നിയമിക്കാൻ ധാരണയായിട്ടുണ്ട്. സിദ്ധരാമയ്യ ഉൾപ്പെടെ 10 പേരാണ് ഈ സമിതിയിലുണ്ടാവുക. സുപ്രധാനമായ സർക്കാർ തീരുമാനങ്ങളെല്ലാം കോർ കമ്മിറ്റിയിൽ വിശദമായി ചർച്ച ചെയ്ത ശേഷം മാത്രമായിരിക്കും നടപ്പിലാക്കുക.
Story Summary
D.K. Shivakumar will be sworn in as the Chief Minister of Karnataka on June 3 at 5:15 PM at the Lok Bhavan in Bengaluru, following astrological guidance regarding the venue and timing. In a move to ensure administrative consensus, Siddaramaiah has been appointed as the chairman of a 10-member core committee that will oversee key government decisions.
