ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പുനർമൂല്യനിർണ്ണയ പോർട്ടലിന്റെ പേയ്മെന്റ് സംവിധാനത്തിന് നേരെ ഉണ്ടായ സൈബർ ആക്രമണത്തിൽ ഏകദേശം 50 വിദ്യാർത്ഥികൾ അനധികൃതമായി പ്രവേശിച്ചതായി റിപ്പോർട്ട്. പോർട്ടൽ തത്സമയമായപ്പോൾ പേയ്മെന്റ് ഗേറ്റ്വേയിലുണ്ടായ സാങ്കേതികപ്പിഴവുകൾ മുതലെടുത്താണ് ആക്രമണം നടന്നതെന്ന് ഔദ്യോഗിക വൃത്തങ്ങൾ അറിയിച്ചു.(CBSE revaluation portal malicious attack and updates)
പേയ്മെന്റ് ഗേറ്റ്വേയുമായി ബന്ധിപ്പിച്ചിരുന്ന പോർട്ടലിൽ സാങ്കേതിക തകരാറുകൾ കണ്ടെത്തി. ഏകദേശം 50 ഓളം വിദ്യാർത്ഥികൾ സിസ്റ്റത്തിൽ മാറ്റങ്ങൾ വരുത്തുകയും പേയ്മെന്റ് തുകയിൽ ക്രമക്കേടുകൾ നടത്തുകയും ചെയ്തു. ചില സന്ദർഭങ്ങളിൽ ഫീസ് തുക ഒരു രൂപയായും, മറ്റ് ചിലപ്പോൾ 67,000 മുതൽ 68,000 രൂപ വരെയായും പോർട്ടലിൽ തെറ്റായി കാണിച്ചു.
സുതാര്യവും കുറ്റമറ്റതുമായ നടപടിക്രമങ്ങൾ ഉറപ്പാക്കുന്നതിനായി ജൂൺ 1 മുതൽ പുനർമൂല്യനിർണ്ണയ പോർട്ടൽ വീണ്ടും പ്രവർത്തനസജ്ജമാക്കുമെന്ന് സിബിഎസ്ഇ അറിയിച്ചു. ഐഐടി മദ്രാസ്, ഐഐടി കാൺപൂർ എന്നിവിടങ്ങളിൽ നിന്നുള്ള വിദഗ്ധരും ഡിജിറ്റൽ ഇൻഫ്രാസ്ട്രക്ചർ കോർപ്പറേഷൻ ഓഫ് ഇന്ത്യയും സിസ്റ്റം പരിശോധിക്കുകയും സുരക്ഷാ സംവിധാനങ്ങൾ ശക്തിപ്പെടുത്തുകയും ചെയ്യുന്നു.
സ്റ്റേറ്റ് ബാങ്ക് ഓഫ് ഇന്ത്യ, കാനറ ബാങ്ക്, ഇന്ത്യൻ ബാങ്ക്, ബാങ്ക് ഓഫ് മഹാരാഷ്ട്ര എന്നീ പൊതുമേഖലാ ബാങ്കുകളുടെ പേയ്മെന്റ് ഗേറ്റ്വേകൾ സിബിഎസ്ഇ പോർട്ടലുമായി സമന്വയിപ്പിക്കാൻ തീരുമാനിച്ചു. കൂടുതൽ മികച്ച പ്രവർത്തനത്തിനായി വെബ്സൈറ്റ് ഇപ്പോൾ ആമസോൺ വെബ് സർവീസസിലേക്ക് മാറ്റിയിട്ടുണ്ട്. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ നേരിട്ട് കാര്യങ്ങൾ നിരീക്ഷിക്കുകയും ജൂൺ 1-ഓടെ എല്ലാ സാങ്കേതിക തടസ്സങ്ങളും നീക്കി പോർട്ടൽ സുഗമമാക്കാൻ നിർദ്ദേശം നൽകുകയും ചെയ്തിട്ടുണ്ട്.
Story Summary
Around 50 students gained unauthorized access to the CBSE re-evaluation portal due to a “malicious attack” on its HDFC payment gateway, causing abnormal fluctuations in fee displays. In response, the CBSE has moved its system to Amazon Web Services (AWS), integrated new payment gateways from four public sector banks, and involved IIT experts to ensure a secure and glitch-free process, with the portal set to reopen on June 1.
