തൃശ്ശൂർ: തൃശ്ശൂർ നഗര മധ്യത്തിൽ ആന ഇടഞ്ഞോടി ഭീകരാന്തരീക്ഷം സൃഷ്ടിച്ചു. ‘ശിവലക്ഷ്മി അയ്യപ്പൻ’ എന്ന ആനയാണ് നഗരത്തിലെ ടൗൺ ഹാൾ പരിസരത്തു നിന്നും ഇടഞ്ഞോടിയത് (Elephant Ran Amok Thrissur). പാതയോരത്ത് പാർക്ക് ചെയ്തിരുന്ന കാറും ഓട്ടോ റിക്ഷയും ആന തകർത്തു. പ്രദേശത്തെ ചില വീടുകളുടെ ഗേറ്റുകൾക്കും ആന നാശനഷ്ടം വരുത്തിയിട്ടുണ്ട്. വഴിയിലുണ്ടായിരുന്ന ഒരു തെരുവ് പട്ടിയെ കണ്ട് ഭയന്നാണ് ആന പെട്ടെന്ന് ഇടഞ്ഞോടിയതെന്നാണ് പാപ്പാന്മാർ നൽകുന്ന പ്രാഥമിക വിശദീകരണം.
ടൗൺ ഹാൾ പരിസരത്തു നിന്നും ഓടിയ ആന നിലവിൽ ചെമ്പൂക്കാവ് മേഖലയിലേക്കാണ് നീങ്ങിയിട്ടുള്ളത്. ആനയെ നിയന്ത്രണത്തിലാക്കാൻ എലഫന്റ് സ്ക്വാഡ് ഉൾപ്പെടെയുള്ള വിദഗ്ദ്ധ സംഘത്തെയും വനംവകുപ്പ് അധികൃതരെയും അടിയന്തിരമായി സംഭവസ്ഥലത്തേക്ക് വിളിച്ചുവരുത്തിയിട്ടുണ്ട്. എന്നാൽ ഇതുവരെ ആനയെ പൂർണ്ണമായി തളക്കാൻ സാധിച്ചിട്ടില്ലെന്നാണ് ഒടുവിലത്തെ വിവരങ്ങൾ സൂചിപ്പിക്കുന്നത്. ലോക്ക്ഡൗൺ അല്ലെങ്കിൽ ഉത്സവ സീസൺ അല്ലാത്ത ഈ സമയത്ത് എന്തിനാണ് ആനയെ നഗരത്തിലെ ഈ ജനവാസ മേഖലയിലേക്ക് എത്തിച്ചത് എന്ന കാര്യത്തിൽ ഇതുവരെ വ്യക്തത വന്നിട്ടില്ല. നഗര മധ്യത്തിൽ ആന പരിഭ്രാന്തി സൃഷ്ടിച്ചതിനെ തുടർന്ന് നാട്ടുകാരും വ്യാപാരികളും കടുത്ത ആശങ്കയിലാണ്.
Summary: An elephant named Shivalakshmi Ayyappan ran amok in the heart of Thrissur city on Saturday morning, causing widespread panic and damaging multiple vehicles, including a car and an auto-rickshaw. According to the mahout, the elephant got startled and bolted after spotting a dog near the Town Hall area. The elephant has currently moved towards the Chembukkavu region, knocking down house gates along the way. While the Elephant Squad and local authorities have been rushed to the spot, efforts to chain the elephant are still underway. The exact reason for bringing the elephant to the city remains unclear.
