തിരുവനന്തപുരം: യൂത്ത് കോൺഗ്രസ് സംസ്ഥാന പ്രസിഡന്റ് പദവിയിലേക്ക് ബിനു ചുള്ളിയിലിനെ പരിഗണിക്കുന്നതായി സൂചന. വി.ഡി. സതീശൻ മന്ത്രിസഭയിൽ ഒ. ജെ. ജനീഷ് മന്ത്രിയായി ചുമതലയേറ്റ സാഹചര്യത്തിലാണ് സംഘടനയിൽ നേതൃമാറ്റത്തിന് വഴിയൊരുങ്ങുന്നത്.(Binu Chulliyil Likely To Become Youth Congress Kerala State President As Janeesh Joins Cabinet)
ജനീഷിന് പകരം യൂത്ത് കോൺഗ്രസിന്റെ അമരത്തേക്ക് ആര് വരുമെന്നത് സംബന്ധിച്ച് കോൺഗ്രസ്-യൂത്ത് കോൺഗ്രസ് നേതൃത്വങ്ങൾക്കിടയിൽ കഴിഞ്ഞ കുറച്ചു ദിവസങ്ങളായി വൻ ചർച്ചകളാണ് നടന്നു വരുന്നത്. ഗോവയുടെ സംഘടനാ ചുമതല വിജയകരമായി കൈകാര്യം ചെയ്യുന്നതിനിടയിലാണ് കഴിഞ്ഞ വർഷം ബിനു ചുള്ളിയിലിനെ കേരളത്തിന്റെ സംസ്ഥാന വർക്കിംഗ് പ്രസിഡന്റായി ഹൈക്കമാൻഡ് നിയമിക്കുന്നത്.
രാഹുൽ മാങ്കൂട്ടത്തിൽ വിവാദങ്ങളെ തുടർന്ന് അധ്യക്ഷസ്ഥാനം രാജിവെച്ചപ്പോഴും പകരക്കാരനായി ഏറ്റവും കൂടുതൽ പരിഗണിക്കപ്പെട്ടത് ബിനുവിന്റെ പേരായിരുന്നു. എന്നാൽ അദ്ദേഹത്തെ വർക്കിംഗ് പ്രസിഡന്റ് സ്ഥാനത്തേക്ക് മാറ്റി. നിലവിലെ രാഷ്ട്രീയ സാഹചര്യത്തിൽ, സംഘടനയെ ശക്തമായി നയിക്കാൻ ബിനു ചുള്ളിയിലിന് തന്നെയാണ് കൂടുതൽ സാധ്യതയെന്നാണ് സൂചന.
Story Summary
Binu Chulliyil is highly likely to become the new Youth Congress Kerala State President following the induction of current president O J Janeesh into the V D Satheesan cabinet. Binu, a close loyalist of K C Venugopal and current state working president, is emerging as the top consensus candidate.
