ലുധിയാന: പഞ്ചാബി സംഗീത ലോകത്ത് ശ്രദ്ധേയയായിരുന്ന യുവ ഗായിക ഇന്ദർ കൗറിന്റെ (യഷിന്ദർ കൗർ) കൊലപാതകത്തിന് പിന്നിൽ കടുത്ത പ്രതികാരമെന്ന് കുടുംബം. ഒളിവിൽ പോയ മുഖ്യപ്രതി സുഖ്വീന്ദർ സിംഗിന് കാനഡയിൽ ഭാര്യയുണ്ടെന്ന വിവരമറിഞ്ഞ് ഗായിക ഇയാളുടെ വിവാഹാഭ്യർത്ഥന നിരസിച്ചിരുന്നു (Punjabi Singer Inder Kaur Murder). ഇതിലുള്ള വൈരാഗ്യം തീർക്കാനാണ് സുഖ്വീന്ദർ കാനഡയിൽ നിന്നും പഞ്ചാബിൽ എത്തിയതെന്നും തോക്കുചൂണ്ടി തട്ടിക്കൊണ്ടുപോയി കൊലപ്പെടുത്തുകയായിരുന്നുവെന്നും കുടുംബം ആരോപിച്ചു.
കഴിഞ്ഞ ആറ് ദിവസമായി കാണാതായിരുന്ന ഗായികയുടെ മൃതദേഹം ലുധിയാനയിലെ നീലോൺ കനാലിൽ നിന്നാണ് പോലീസ് കണ്ടെടുത്തത്. മെയ് 15-ന് ഇന്ദർ കൗറിന്റെ സഹോദരൻ നൽകിയ തട്ടിക്കൊണ്ടുപോകൽ പരാതിയുടെ അടിസ്ഥാനത്തിൽ പോലീസ് അന്വേഷണം നടത്തിവരികയായിരുന്നു. പ്രതിയായ സുഖ്വീന്ദർ സിംഗ് ഗായികയെ കൊലപ്പെടുത്തിയ ശേഷം കാനഡയിലേക്ക് കടന്നതായാണ് സംശയം. സംഭവവുമായി ബന്ധപ്പെട്ട് സുഖ്വീന്ദറിന്റെ പിതാവ് പ്രീതം സിംഗ്, കൂട്ടാളികളായ കരംജിത് സിംഗ്, രവീന്ദർ സിംഗ് എന്നിവരെ പോലീസ് ഇതിനോടകം അറസ്റ്റ് ചെയ്തിട്ടുണ്ട്. ‘സോനെ ദി ചിർഹി’, ‘ജിജ’ തുടങ്ങിയ ഹിറ്റ് ഗാനങ്ങളിലൂടെ പഞ്ചാബി സംഗീതപ്രേമികൾക്ക് പ്രിയങ്കരിയായ ഗായികയുടെ വിയോഗത്തിൽ സിനിമാ-സംഗീത ലോകം അനുശോചിച്ചു.
Summary: Emerging Punjabi singer Inder Kaur, also known as Yashinder Kaur, was found dead in Ludhiana’s Neelon Canal six days after she was allegedly kidnapped at gunpoint. Her family revealed that the main accused, Sukhwinder Singh, targeted the singer after she rejected his marriage proposal upon discovering he was already married and living in Canada.
