വില്ലി-ലെ-പെല്ലൂക്സ്: ലോകത്തിലെ ഏറ്റവും പ്രായം കൂടിയ നായയെന്ന് പരക്കെ വിശ്വസിക്കപ്പെടുന്ന ‘ലസാർ’ എന്ന ഫ്രഞ്ച് ടോയ് സ്പാനിയൽ (പാപ്പിലോൺ ഡ്വാർഫ് സ്പാനിയൽ) ഇനത്തിൽപ്പെട്ട നായ മുപ്പതാം വയസ്സിൽ ചത്തു ( World Oldest Dog Dies Lazare). ചിത്രശലഭത്തിന്റെ ചിറകുകൾ പോലുള്ള ചെവികളുള്ള ലസാർ, മൃഗസംരക്ഷണ സംഘടനയായ ചാരിറ്റി വർക്കർമാരുടെ രേഖകൾ പ്രകാരം 1995 ഡിസംബർ 4-നാണ് ജനിച്ചത്. തന്റെ ജീവിതത്തിന്റെ ഭൂരിഭാഗവും ഒരേ ഉടമസ്ഥനൊപ്പമാണ് ഈ നായ കഴിഞ്ഞിരുന്നത്. എന്നാൽ ഉടമസ്ഥയുടെ മരണത്തെത്തുടർന്ന് നായയെ ചാരിറ്റി ഷെൽട്ടറിലേക്ക് മാറ്റുകയായിരുന്നു. കഴിഞ്ഞ മാസം ഒഫെലി ബൗഡോൾ എന്ന ഇരുപത്തൊൻപതുകാരി ഷെൽട്ടറിൽ നിന്ന് ലസാറിനെ ദത്തെടുത്തെങ്കിലും ആഴ്ചകൾക്കുള്ളിൽ തന്നെ നായ മരണത്തിന് കീഴടങ്ങുകയായിരുന്നു.
മരണസമയത്ത് 30 വർഷവും അഞ്ച് മാസവും പ്രായമുണ്ടായിരുന്ന ലസാറിന് കാഴ്ചയും കേൾവിയും പൂർണ്ണമായി നഷ്ടപ്പെട്ടിരുന്നു. ഗിന്നസ് വേൾഡ് റെക്കോർഡ്സിൽ നിലവിലുണ്ടായിരുന്ന ഏറ്റവും പ്രായം കൂടിയ നായയായ പോർച്ചുഗലിലെ ‘ബോബി’ (31 വയസ്സ്) എന്ന നായയുടെ പ്രായം സംബന്ധിച്ച് 2024-ൽ തർക്കങ്ങൾ ഉയർന്നതിനെത്തുടർന്ന് റെക്കോർഡ് റദ്ദാക്കിയിരുന്നു. ഈ സാഹചര്യത്തിലാണ് ലസാറിന്റെ ജനനത്തീയതി രണ്ട് ഔദ്യോഗിക രജിസ്ട്രികളിൽ ഒത്തുനോക്കി പ്രായം സ്ഥിരീകരിച്ച ശേഷം ഗിന്നസ് റെക്കോർഡിനായി അപേക്ഷ നൽകാൻ ചാരിറ്റി പ്രവർത്തകർ തയ്യാറെടുത്തത്. ലസാർ ഗിന്നസ് റെക്കോർഡിന് അർഹനാണോ എന്ന് ഔദ്യോഗികമായി സ്ഥിരീകരിക്കാൻ ഗിന്നസ് അധികൃതരെ ബന്ധപ്പെട്ടിട്ടുണ്ടെങ്കിലും തൽക്ഷണം മറുപടിയൊന്നും ലഭിച്ചിട്ടില്ലെന്ന് വാർത്താ ഏജൻസിയായ എഎഫ്പി റിപ്പോർട്ട് ചെയ്തു.
Summary: Lazare, a French toy spaniel believed to be the world’s oldest dog, has died at the age of 30 years and five months in France. Born on December 4, 1995, the Papillon dwarf spaniel spent most of his life with his original owner before being moved to a shelter and recently adopted by a woman named Ophelie Boudol. Animal charity workers had verified his age across two registries and were preparing a Guinness World Records application following the recent disqualification of the previous record holder, Bobi from Portugal.
