ന്യൂഡൽഹി: പ്രശസ്ത ഗായകൻ ദിൽജിത് ദോസഞ്ജിനെ രാഷ്ട്രീയത്തിൽ ഇറക്കാൻ ബിജെപി സമ്മർദ്ദം ചെലുത്തുന്നതായും ഇതിന്റെ ഭാഗമായാണ് അദ്ദേഹത്തിന്റെ മാനേജരുടെ വീടിന് നേരെ വെടിവയ്പ്പുണ്ടായതെന്നും പഞ്ചാബ് മുഖ്യമന്ത്രി ഭഗവന്ത് മൻ (Bhagwant Mann on Diljit Dosanjh Politics). ഹരിയാനയിലെ കർണാലിലുള്ള ദിൽജിത്തിന്റെ മാനേജർ ഗുർപ്രതാപ് സിംഗ് കാങ്ങിന്റെ വീടിന് നേരെ കഴിഞ്ഞ ബുധനാഴ്ചയാണ് അജ്ഞാതർ വെടിയുതിർത്തത്.
താൻ ഒരു കലാകാരനാണെന്നും രാഷ്ട്രീയത്തിലേക്കില്ലെന്നും ദിൽജിത് വ്യക്തമാക്കിയതോടെയാണ് സമ്മർദ്ദ തന്ത്രമെന്ന നിലയിൽ മാനേജരെ ലക്ഷ്യം വച്ചതെന്ന് ഭഗവന്ത് മൻ ആരോപിച്ചു. കർണാലിലെ വെടിവയ്പ്പിന്റെ ഉത്തരവാദിത്തം ലോറൻസ് ബിഷ്ണോയ് ഗ്യാങ് ഏറ്റെടുത്തിട്ടുണ്ട്. എന്നാൽ സംഭവത്തിൽ മാനേജരുടെ കുടുംബം ഇതുവരെ പോലീസിൽ പരാതി നൽകിയിട്ടില്ലെന്ന് കർണാൽ എസ്പി നരേന്ദ്ര ബിജാർണിയ വ്യക്തമാക്കി.
തമിഴ് നടൻ വിജയ് രാഷ്ട്രീയത്തിൽ പ്രവേശിച്ചത് പോലെ, ദിൽജിത്തിന്റെ ജനപ്രീതി രാഷ്ട്രീയ നേട്ടത്തിനായി ഉപയോഗിക്കാൻ ചില പാർട്ടികൾ ശ്രമിക്കുന്നുണ്ടെന്ന് ഭഗവന്ത് മൻ പറഞ്ഞു. എന്നാൽ, “ഒരിക്കലുമില്ല, ജനങ്ങളെ വിനോദിപ്പിക്കുക എന്നതാണ് എന്റെ ജോലി. ഞാൻ എന്റെ മേഖലയിൽ അതീവ സംതൃപ്തനാണ്” എന്നായിരുന്നു ദിൽജിത്തിന്റെ പ്രതികരണം. കഴിഞ്ഞ മാസം നടന്ന കൺസേർട്ടിനിടെ ഖാലിസ്ഥാൻ അനുകൂല പതാകകൾ വീശിയ പ്രതിഷേധക്കാർക്കെതിരെ ദിൽജിത് ആഞ്ഞടിച്ചത് വലിയ വാർത്തയായിരുന്നു. ഇംതിയാസ് അലി സംവിധാനം ചെയ്യുന്ന ‘മേം വാപ്പസ് ആവൂംഗ’ എന്ന ചിത്രമാണ് ദിൽജിത്തിന്റെ അടുത്തതായി പുറത്തിറങ്ങാനുള്ള സിനിമ.
Summary: Punjab CM Bhagwant Mann claimed that Diljit Dosanjh is being pressured by the BJP to enter politics, and the recent firing at his manager’s home in Karnal was a result of the singer declining the offer. While the Lawrence Bishnoi gang claimed responsibility for the shooting, Diljit reaffirmed that he has no political ambitions and is happy in the entertainment industry.
