ഹൈദരാബാദ്: ഹൈദരാബാദിലെ രാജീവ് ഗാന്ധി അന്താരാഷ്ട്ര വിമാനത്താവളത്തിന് അന്താരാഷ്ട്ര തലത്തിൽ വൻ നേട്ടം. ഏറ്റവും മികച്ച നാലാമത്തെ ‘കുടുംബ സൗഹൃദ’ വിമാനത്താവളമായി ഹൈദരാബാദ് എയർപോർട്ടിനെ തിരഞ്ഞെടുത്തു. യുകെ ആസ്ഥാനമായി പ്രവർത്തിക്കുന്ന പ്രമുഖ ട്രാവൽ എക്സ്പീരിയൻസ് പ്രൊവൈഡറായ ‘AttractionTickets.com’ ആണ് ഈ റാങ്കിംഗ് പുറത്തുവിട്ടത്.(Hyderabad International Airport ranked worlds fourth most family friendly airport in global index)
ലോകമെമ്പാടുമുള്ള 140-ലധികം പ്രമുഖ വിമാനത്താവളങ്ങളെ വിലയിരുത്തി തയ്യാറാക്കിയ ‘ഹാപ്പിയെസ്റ്റ് എയർപോർട്ട്സ് റാങ്കിംഗിന്റെ’ ഭാഗമായാണ് ഹൈദരാബാദിന് ഈ ബഹുമതി ലഭിച്ചത്. കുട്ടികളുമായി യാത്ര ചെയ്യുന്ന കുടുംബങ്ങൾക്ക് നൽകുന്ന മികച്ച സൗകര്യങ്ങളുടെ അടിസ്ഥാനത്തിൽ 20-ൽ 18.5 സ്കോർ നേടിയാണ് ഹൈദരാബാദ് നാലാം സ്ഥാനം നിലനിർത്തിയത്.
വിമാനത്താവളങ്ങളുടെ വലിപ്പം, ഗൂഗിൾ റിവ്യൂ റേറ്റിംഗുകൾ, കുട്ടികൾക്കായുള്ള പ്രത്യേക കളിസ്ഥലങ്ങൾ, കുടുംബങ്ങൾക്കായുള്ള പ്രത്യേക സെക്യൂരിറ്റി ലൈനുകൾ, ബേബി ചേഞ്ചിംഗ് സൗകര്യങ്ങൾ, സ്ട്രോളർ സർവീസുകൾ, വിശ്രമ-ഉറക്ക മേഖലകൾ, അതിവേഗ വൈഫൈ സൗകര്യം എന്നിവ വിലയിരുത്തിയാണ് റാങ്കിംഗ് നിശ്ചയിച്ചത്. കൂടാതെ, ഭിന്നശേഷിക്കാരായ യാത്രക്കാർക്ക് വിമാനത്താവളത്തിൽ നൽകുന്ന പ്രത്യേക പിന്തുണയും ഈ നേട്ടത്തിന് പിന്നിൽ നിർണ്ണായക പങ്കുവഹിച്ചു.
Story Summary
Hyderabad International Airport has been ranked as the world’s fourth most family-friendly airport by UK-based travel provider AttractionTickets.com. Scoring 18.5 out of 20 in the ‘Happiest Airports Ranking’, which evaluated over 140 global airports, Hyderabad was recognized for its excellent family-centric amenities. The parameters included child play areas, family security lanes, stroller services, rest zones, Google ratings, and support for neurodivergent passengers.
