മലപ്പുറം: വി.ഡി. സതീശനെ കേരളത്തിന്റെ പുതിയ മുഖ്യമന്ത്രിയായി തിരഞ്ഞെടുത്തത് ജനവികാരം മാനിച്ചുകൊണ്ടുള്ള ഉചിതമായ തീരുമാനമാണെന്ന് പാണക്കാട് സാദിഖലി ശിഹാബ് തങ്ങൾ പറഞ്ഞു. ഹൈക്കമാൻഡിന്റെ ഈ പ്രഖ്യാപനത്തെ കേരള ജനതയ്ക്കൊപ്പം ലീഗും ഹൃദയപൂർവ്വം അംഗീകരിക്കുന്നുവെന്നും അദ്ദേഹം വ്യക്തമാക്കി.(Muslim League Welcomes VD Satheesan Appointment As Kerala Chief Minister)
മുഖ്യമന്ത്രിയെ നിശ്ചയിക്കുന്നതിന് മുന്നോടിയായി ഇന്നും കോൺഗ്രസ് അധ്യക്ഷൻ മല്ലികാർജുൻ ഖർഗെ ലീഗ് നേതൃത്വവുമായി ആശയവിനിമയം നടത്തിയിരുന്നു. തങ്ങളുടെ അഭിപ്രായം കൃത്യമായും വിട്ടുവീഴ്ചയില്ലാതെയും കോൺഗ്രസ് നേതൃത്വത്തെ അറിയിച്ചിരുന്നതായി തങ്ങൾ പറഞ്ഞു.
വരും അഞ്ചു വർഷം യുഡിഎഫിന്റെ ഐക്യത്തോടെയുള്ള ഭരണമാണ് കേരളം പ്രതീക്ഷിക്കുന്നത്. വികസന കുതിപ്പിനും ജനക്ഷേമത്തിനും പുതിയ സർക്കാർ മുൻഗണന നൽകുമെന്നും ലീഗ് നേതൃത്വം ശുഭാപ്തിവിശ്വാസം പ്രകടിപ്പിച്ചു. മുസ്ലീം ലീഗിന്റെ മന്ത്രിമാരെ സംബന്ധിച്ച ഔദ്യോഗിക പ്രഖ്യാപനം വൈകാതെ തന്നെ ഉണ്ടാകും. മന്ത്രിസഭയിലെ വകുപ്പുകളെക്കുറിച്ചുള്ള പ്രാഥമിക ചർച്ചകൾ പൂർത്തിയായി വരികയാണെന്നും നേതാക്കൾ അറിയിച്ചു.
Story Summary
The Muslim League leadership, headed by Panakkad Sadiq Ali Shihab Thangal, has officially welcomed the High Command’s decision to appoint V.D. Satheesan as the Chief Minister of Kerala. Thangal stated that the decision reflects public sentiment and confirmed that the League’s ministers for the new UDF cabinet will be announced shortly.
