ചെന്നൈ: തമിഴ്നാട് നിയമസഭയിൽ പുതിയ സർക്കാരിന്റെ ആദ്യ ബലപരീക്ഷണം ഇന്ന് നടക്കും. സ്പീക്കർ, ഡെപ്യൂട്ടി സ്പീക്കർ സ്ഥാനങ്ങളിലേക്കുള്ള വാശിയേറിയ തെരഞ്ഞെടുപ്പാണ് ഇന്ന് സഭയിൽ അരങ്ങേറുന്നത്. രാഷ്ട്രീയ മാറ്റങ്ങൾക്കിടയിൽ ടിവികെയുടെ നിയമസഭയിലെ നിലപാട് നിർണായകമാകും.(Tamil Nadu Assembly Speaker Election, TVK Faces First Floor Test )
ജെസിഡി പ്രഭാകറിനെയാണ് ടിവികെ സ്പീക്കർ സ്ഥാനാർത്ഥിയായി പ്രഖ്യാപിച്ചിരിക്കുന്നത്. മൂന്നാം തവണയും നിയമസഭയിലെത്തുന്ന പ്രഭാകർ സഭാനടപടികളിൽ വലിയ പരിചയസമ്പത്തുള്ള നേതാവാണ്. എഐഎഡിഎംകെയിലെ ആഭ്യന്തര തർക്കങ്ങൾ ഇന്നത്തെ തെരഞ്ഞെടുപ്പിനെ എങ്ങനെ ബാധിക്കുമെന്നതാണ് ഏവരും ഉറ്റുനോക്കുന്നത്.
കക്ഷിനേതാവായി എസ്.പി. വേലുമണിയെ അംഗീകരിക്കണമെന്ന് ആവശ്യപ്പെട്ട് 30 എംഎൽഎമാർ രംഗത്തുണ്ട്. അതേസമയം, എടപ്പാടി പളനിസ്വാമിയെ തന്നെ പിന്തുണയ്ക്കണമെന്ന് 17 പേർ പ്രോടേം സ്പീക്കർക്ക് കത്ത് നൽകിയിട്ടുണ്ട്. ഈ പിളർപ്പിൽ സ്പീക്കർ ഇന്ന് വ്യക്തമായ നിലപാട് സ്വീകരിച്ചേക്കും.
Story Summary
The Tamil Nadu Assembly will witness its first major floor test today with the election of the Speaker and Deputy Speaker. TVK candidate JCD Prabhakar faces a crucial contest amidst a split within the AIADMK ranks over leadership.
