Follow on Google News
കോഴിക്കോട്: കേരള നിയമസഭാ തിരഞ്ഞെടുപ്പിൽ എൽഡിഎഫിന് മികച്ച വിജയമുണ്ടാകുമെന്ന് എളമരം കരീം. വിവിധ മണ്ഡലങ്ങളിൽ നിന്നുള്ള റിപ്പോർട്ടുകൾ പ്രകാരം 90-ലധികം സീറ്റുകൾ നേടി എൽഡിഎഫ് അധികാരം നിലനിർത്തുമെന്ന് അദ്ദേഹം പറഞ്ഞു. കോഴിക്കോട് ജില്ലയിൽ മുന്നണിയുടെ പ്രകടനം മികച്ചതാകുമെന്നും അദ്ദേഹം പ്രമുഖ മാധ്യമത്തോട് പ്രതികരിച്ചു.(There is no concern about winning in Perambra, Elamaram Kareem about Assembly election )
പേരാമ്പ്ര മണ്ഡലത്തിലെ വിജയത്തെക്കുറിച്ച് യാതൊരു ആശങ്കയുമില്ലെന്ന് എളമരം കരീം വ്യക്തമാക്കി. ബേപ്പൂരിൽ യുഡിഎഫ് സ്ഥാനാർത്ഥി പ്രചാരണ രംഗത്ത് ഓളമുണ്ടാക്കിയെങ്കിലും വോട്ടർമാർക്കിടയിൽ സ്വാധീനം ചെലുത്താൻ അവർക്ക് കഴിഞ്ഞിട്ടില്ല. ബേപ്പൂർ ഇടതുകോട്ടയായി തുടരുമെന്നാണ് അദ്ദേഹത്തിന്റെ പക്ഷം.
അമ്പലപ്പുഴയിൽ ശക്തമായ മത്സരമാണ് നടന്നതെന്ന് അദ്ദേഹം സമ്മതിച്ചു. അവിടെ അടിയൊഴുക്കുകൾ ഉണ്ടായിട്ടുണ്ടോ എന്ന് ഇപ്പോൾ പറയാനാകില്ല. എങ്കിലും എൽഡിഎഫ് ജയിക്കുമെന്നാണ് ജില്ലാ കമ്മിറ്റിയുടെ വിലയിരുത്തൽ. പേരാമ്പ്രയിലെ വിജയത്തിലുള്ള അത്രയും ഉറപ്പ് അമ്പലപ്പുഴയുടെ കാര്യത്തിൽ ഉണ്ടോ എന്ന ചോദ്യത്തിന് ചിരിയായിരുന്നു എളമരം കരീമിന്റെ മറുപടി.
